Fyor Yesus imar ḇaim, ikofen, ’Anggangginem Ḇeḇye ro Karajan ine nari ḇyeḇeḇaryas ro supswan ḇesiper fa ḇyesaksi faro er sya kam, ramnai insape awar papupes ya ryama.’ (Matius 24:14) Rariso fararur ḇaḇeḇaryas ine sifrur na rai? Kuker siso pyum Yesus nyan fyasnai fyor ryo supswan ine.​—Lukas 8:1.

Nggomarisen nggosrow snonggaku sya ro rum sena. Yesus fyarkor manfamyan ḇyesya fa sḇaryas anggangginem ḇeḇye ine ro rum ḇe rum. (Matius 10:11-13; Farfyar 5:42; 20:20) Ro abad randak ya manfamyan ḇyesi sine sismai tugas fa sḇaryas ro moḇ oso. (Matius 10:5, 6; 2 Korintus 10:13) Baboine, fararur ḇaḇeḇaryas nggoḇena kako sfasos pyum na, ma ro sidang Kristen na sḇuk fararur ḇesi fa sḇaryas ro moḇ sap kwar na. Kuker nggofrur rarirya nggoso Yesus parenta ḇyedi fa ’nggoḇaryas faro er-er sya kam ma inggoḇe saksi kuker pyum’.​—Farfyar 10:42.

Nggomarisen nggosrow snonggaku sya ro moḇ risai monda. Yesus fyasnai nyan ḇepyum fa ḇyaryas ḇe snonggaku ro moḇ risai monda, raris ro yendisare ḇaido ro war ḇeyer oso. (Markus 4:1; Yohanes 4:5-15) Nggoḇaryas ḇe snonggaku sya kako ro moḇ risai monda ro sampak, ro moḇ sḇaboḇ rona, ro taman, ḇaido kuker telepon. Osower nggona swaf ido nggoḇaryas ḇe ḇeḇarek fanam nggo sya, min ḇefararur kayam kuker nggo, bati ro rumfarkor, ma kina nggoḇesi. Kuker nyan ḇeradine ḇyuk swaf ḇepyum ḇe snonggaku risyaran ro supswan ḇesiper fa srower ’anggangginem kuker fasaspar ya’.​—Mazmur 96:2.

Wamarisen fa fawar anggangginem ḇeḇye kuker Karajan Allah ma fainda ḇyena faro ras ḇarpon iyama? Anggangginem ḇeḇuk saneraro ine wayokef awer i. Wakofenḇair na ḇeri ḇe snonggaku sya.

• Anggangginem ḇeḇye rosai fandun fa nggoḇaryas ya?

• Rariso Saksi-Saksi Yahwe sya siso Yesus nyan ḇyena ro ḇaḇeḇaryas ya rai?