Rosai ḇefnai fa snonggaku sine seaski? Siso ro kebaktian nggoḇena. Imnis raris Allah Kawasa Ḇyesya ro ḇepon iwara, sismai anun fa siso ro fananjur na ro taun oser ido kali rikior, nggomarisen kaku fa nggoryur kayam ro raryur ḇeba syadi. (Ulangan 16:16) Ro taun oser, nggoso kebaktian ḇeba na ras rikior: kebaktian wilayah risuru sifrur na ro ras oser ma kebaktian regional na sifrur na ro ras rikior. Fainda rosai nggosmai ro kebaktian nane?

Ḇaḇeoser nggoḇena nasambraḇ syadi wer. Imnis snonggaku Israel ḇeryaḇ fa ḇesandik Yahwe I ”ro fandu jemaat ḇefanjur sya” nggosmai farkarkor ḇemnis fyor nggoryur kayam ro kebaktian ḇeradine na. (Mazmur 26:12; 111:1) Nggona swaf fa nggosrow ma nggoḇebati yae kuker naek srar ro sidang ḇese ḇaido ḇerama ro sup ḇese na. Ro arkok ya, nggonan kayam ro moḇ nggofrur munara kebaktian ya, inja munara rohani ine dun marisen kaku. (Farfyar 2:42) Ro dine, nggoḇaḇir kaku ro manggun nggo saswar ḇeyun ḇaḇeoser ro ’naek srar nggoḇesi kam’ ro supswan ḇesiper.​—1 Petrus 2:17.

Nggosmai fafnoḇek fa nggosur pdef ro kerohanian nggoḇena. Er Israel sya sismai fainda nabor rofyor ”sifawi pyum wos” ro Refo sfasnaiḇair ḇe si na. (Nehemia 8:8, 12) Nggoḇe syowi kako farkarkor Refo nggosmai ro kebaktian na. Munara ya oser-oser nya tema ḇeknam ro Refo. Ro faya na, simposium, ma fasasnai ḇepyum na nasya, nggofarkor nyan rariso nggofrur Allah marisen Ḇyena ro kankenem nggoḇena. Nggosmai samambraḇ fyor nggorower fawar ro snonggaku ḇesmai samswen rariryano sisambraḇ pdef ro fafisu ine. Ro munara kebaktian regional, fafyar ḇeknam ro Refo sfasnai na ro drama ḇebuk farkarkor ḇepyum ḇe inggo. Ro munara kebaktian na, fasasos faro mansei imbe ḇemarisen ḇebaptis fasnai ro ḇarpon kawasa kam farsamsyom sena ḇe Allah.

• Rosai ḇefnai fa munara kebaktian nama fafisu ḇeyun marisen rirya?

• Fainda rosai monda bisa wasmai ro munara kebaktian na?