Ro abad randak ya, raryur kasun ro ’manwawan-manwawan ma penatua-penatua sya ro Yerusalem’ sfarmyan ḇe raryur naek ḇefarkin na ḇefrur snemuk ḇefandun kaku ḇefadwer sidang jemaat ḇesmai ramrem sya. (Farfyar 15:2) Rofyor sun snemuk ḇaim siryur kam fa sawos rosai Refo ikofen kuker roi ani ma sor farkankin ro Allah rur ḇesren Ḇyedi ramnai na sun snemuk. (Farfyar 15:25) Ro baboine raryur naek ḇefarkin sya sakfrur rarirya.

Allah ḇyepake si fa sifrur marisen Ḇyena. Naek Ḇesmai Ramrem Sya ḇeḇe min ro Raryur Naek Ḇefarkin sya siso pyum kaku farkankin ḇero Refo ma sna fawawi nabor kaku ro Refo fa sḇuk fur mnis roi oso ḇaido fararur ḇese na. Sifrur raryur kasun ro minggu oser fa sawos fandandun ro naek srar sya ro supswan ḇesiper ine. Imnis abad randak, ananun ḇeknam ro Refo sfarem na roro surat ḇaido roro pengawas keliling sya ma nyan ḇese na. Roi ine ifnoḇek Allah kawasa Ḇyesi fa roi skara ma sifrur na namnis kam. (Farfyar 16:4, 5) Raryur Naek Ḇefarkin sya smam warek fasasos anan rohani, simyaren fa sisaramper fararur ḇaḇeḇaryas ya, ma smam pyum naek na skur fa ḇeyuf fakamaman sya.

Mamam sena faro farkankin ro rur ḇesren ya. Raryur Naek Ḇefarkin sya sor farkankin ro Yahwe I, Manḇepoik Syadi ro Supswan ma Farsyos, ma Yesus, ḇebukor ro sidang Kristen. (1 Korintus 11:3; Efesus 5:23) Ḇesun ro ḇar ine skara ḇaḇeri snar sima manfarkin ro Allah kawasa Ḇyesi. Sima snonggaku Kristen ḇese ḇesmai ramrem ”siso Rumkun Domba ani ḇe moḇ rosai iḇeryayoḇ na”. (Fasasna 14:4) Raryur Naek Ḇefarkin sya na sikofen kasumasa kaku fyor konadi warek si.

• Ro abad randak mansei monda raryur naek ḇefarkin sya?

• Rariso Raryur Naek Ḇefarkin sya sor fafnoḇek ro Allah rur ḇesren Ḇyedi?