Ro taun oser Organisasi nggoḇedi sifrur ma sirwas Refo ri yuta utin ma utin, sifrur syap nane kuker sor pipi ḇa. Nggoḇawes ma nggomam warek Balai Karajan ḇebor ma kantor cabang. Nggosaramper ḇefarur ro Betel sya, misionaris ma nggoḇuk fafnoḇek faro ḇesmai rim ḇeba sya. Inja fyorno ido, imbude wafuken, ’Moḇsa nggosmai pipi roro ya?’

Nggor pipi ḇaido derma ḇa. Nggofandun pipi ḇebor fa nggoḇuk frur fararur ḇaḇeḇaryas nggoḇedi, rariryano nggor pipi ḇa. Taun utin oser naiwara, ro syap Baryas ikofenḇair snar nggokyar Yahwe nari ifnoḇek nggo, ma ’nari nggararor ḇaberi ḇaido nggor fafnoḇek ro snonggaku sya fa sisaramper inggo ḇa’—ma roi ine ndarirya kaku—Matius 10:8.

Farsarser sḇuk kuker sne ḇemarisen iso ḇesaramper fararur nggoḇedi. Snonggaku sibor simarisen kuker fararur nggofrur ine nggofarkor si fa sakfawi kakaku ya ma snar ine nsun ro sne sena inja simarisen sḇuk farsarser. Saksi Yahwe sya kako simarisen sḇuk oras, samambraḇ, kumpan, ma roi ḇese sismai na fa nesaramper Allah marisen Ḇyena ro supswan ḇesiper ine. (1 Tawarikh 29:9) Ḇemarisen ḇeḇuk farsarser sya bisa sisun na ro kotak sfasos kwar ro Balai Karajan ma moḇ kebaktian. Ḇaido, bisa Buk na roro situs Web nggoḇedi, jw.org. Kumpan nggosmai sine, ndrama ro snonggaku ḇenana ḇa sya, imnis raris kabom ḇesaḇarar ro Yesus fawar ḇyedi, Yesus ḇyuk wos sandik ḇe i snar imarisen ḇyuk roi ismai kam iso logam kasun risuru ro moḇ srir farsarser na. (Lukas 21:1-4) Inja, mansei monda bisa ḇyuk farsarser ro swaf imarisen ya ”Iḇye naek srar mkokam mkoḇuk ḇardi pipi ker ono, oser-oser ḇyuk raris moḇ ismai raya”.​—1 Korintus 16:2; 2 Korintus 9:7.

Yahwe ifawi sne ro snonggaku sya inja nggokyar nari idif snonggaku oso fa ’ḇesyowi I kuker sḇuk roieḇor ḇemaeja ismai na’ insama Yahwe marisen Ḇyena ndarirya ro fararur ḇaḇeḇaryas ya.​—Amsal 3:9.

• Rosai ḇeḇese ro organisasi nggoḇedi kuker agama ḇese na?

• Farsarser nggoḇuk na sepake faro fandandun risai monda?