Kasumasa nabor snar mgofarkor kwar syap ine fa mgomambir syadi Yahwe kawasa Ḇyesi, mgosewar fa mgofawi rosai nggofrur kaku ya, ma mgomam fararur ro organisasi nggoḇedi. Nggokyar snar Wasmai fafnoḇek kwar fa mambir nggo ḇe snonggaku ḇemarisen fa ḇefrur Allah marisen Ḇyena ro kirine. Ngganun ḇe Au fa farkor pdef ma wasmai fawawi nabor kuker Allah ḇekaku, ma wafawar roi wafarkor kwar ani faro kina ma bati besi kam, ma ḇebati kuker inggo ma rwama pdef ḇe fananjur ya.​—Ibrani 10:23-25.

Fafisu farkor Yahwe marisen Ḇyena, na insape ḇaḇir snar Yahwe iswar Au kaku. Kuker nyan ine, nari wamarisen syadi fa wafrur roi nabor syadi wer ḇe I fa fasnai saswar ḇemnis raris fyasnai kwar ḇe Au. (1 Yohanes 4:8-10, 19) Ḇape, ro ras-ras moḇsa wafrur na ro kenem Bedi rai? Rariso Yahwe farkankin Ḇyena ro Refo nefainda ro kenem Bedi? Ma, rosai ḇefnoḇek Au fa wamarisen wafarkor Allah marisen Ḇyena kuker inggo? Ḇefarkor Refo ḇe Au ya na imarisen fa fyarkor roi ine kuker Au insama ido kina besi ’mgokenem ḇesya kwar ro fadadiren Allah saswar Ḇyedi, . . . nari ḇeḇuk kankenem ḇekaku ḇekain fyoroya faro mgo’.​—Yudas 21.

Insama bisa Wafrur kemajuan ro nyan ḇekaku ya ido, nggor Au fa farkor syap ine wer . . .