Ro randak iwara, Yahwe imarisen insama kina sya sfanjur kayam fa sanun yaye si rarirya kina ya seoser pdef. (Ulangan 6:6, 7) Iso ḇefnai fa kina ro Saksi Yahwe sya sisewar swaf ro minggu oser insama senadi kayam—sawos roi ḇekaku ro Refo faro fandandun sena oser-oser ro swaf ḇemnis faro si. Ausya barek ro manggundaw rariryano, bisa swewar swaf fa fanam ḇe Allah kuker farkor awawos oso ro Refo ro manggundaw.

Swaf ḇepyum fa fanam ḇe Yahwe I. ”Mkofanam faro Allah, ma nari Allah fyanam faro mko.” (Yakobus 4:8) Kuker nggofarkor rari ma fararur Yahwe Ḇyena ḇeḇefas ro Refo ya, ine na ifnoḇek nggo fa nggomambir syadi I. Nyan oser ḇefrur fa bisa nggorandak nadi ro kina iso nggowasya Refo kayam kuker mgarem na, nggomam ro jadwal minggu ḇe minggu ro fananjur Kankenem ma Fararmyan Kristen Koḇena. Ro kina ya oser-oser bisa sifadadwer fa siwasya Refo ine, ramnai sawos roi sfarkor anna.

Swaf ḇepyum fa kina ya sfanam yaye si. Imbeswa sya, sinan kuker romawa sya, bisa sfanam syadi fyor siwasya Refo ya kayame. Ine swaf ḇepyum ro minggu ḇe minggu na. Sinan sya bisa skinfir awawos ḇesrow kuker umur ro romawa sya fa sawos na, imbude sepake awawos ḇero syap Baryas ma Sadarlah! Ḇaido ro situs Web nggoḇedi, jw.org. Bisa mgawos roi ḇekur romawa mgoḇesi ḇefarkor sya ma nyan fa sae rona. Bisa mgomam JW Broadcasting (tv.pr418.com) ramnai mgawos kayam na. Mgo kako bisa mgofarkor fa mgodisen doya faro fananjur na ma mgonan kayam ro nadi kina ya.

Ine swaf ḇepyum faro kina sya fa senadi ḇe Yahwe kayam ro minggu ḇe minggu roi nane na nafnoḇek kina sya kam fa simarisen faro Allah Wos Ḇyena, ma na ḇyebarakas sasewar mgoḇena pdef.​—Mazmur 1:1-3.

• Rosai ḇefnai fa nggosewar swaf faro nadi kina ya?

• Moḇsa sinan sya sisewar nyan insama nadi kina ine dun marisen faro ḇero kina sya kam?