Fakfuken ro Ḇewasya
Setan ikofen ḇe Eva nari ipok imar ḇa rofyor dan aibon ro aiknam fawawi ḇekur roi ḇeḇye ma ḇeḇyeḇa. Fafisu ya, Setan isya fyasnaiḇair roi snonkaku ḇero baboine sikyar ḇekur jiwa ḇepok fa ḇemar ḇa ke?
Rya rarirya ḇa. Rofyor Setan ifrowes Eva fa dan aibon Allah idwarek ani, ikofen ḇa nari Eva ḇaken ḇyedi imar ḇape rur ḇyedi na ikenem pdef ro moḇ ḇese. Roro ikak oso, Setan ikofen rofyor Eva dan aibon ro aiknam anya ido, kaku ḇeri ’nari imar ḇa’. Inja, Setan fyasnaiḇair Eva nari ikenem pdef ro supswan, ma Eva nari ismai kankenem ḇepyum syadi ḇemkeibur Allah.—Kej. 2:17; 3:3-5.
Farkarkor ḇekakuḇa ḇekur jiwa ḇepok ḇemarḇa ḇyeḇefasnai randak ro Yaf Eden ḇa ido, fafisu risai isya randak ya? Kofawi mnis ḇa. Ḇape roi kofawi yaiso rofyor Faḇruḇ Ḇeḇa ḇeḇesya ro Nuh fafisu ḇyedi, ḇefasparbur faḇruḇ anya iso Nuh ma kina ḇyesi monda, ḇesyom faro Yahwe. Inja, ro fafisu Faḇruḇ Ḇeba, farkarkor ḇekaku ḇa napromes kam.
Rarirya, fafisu Faḇruḇ Ḇeḇa ya raposa insape farkarkor ḇekakuḇa ḇekur jiwa ḇepok fa ḇemar ḇa isya. Rofyor Allah ifrur wos snonkaku sḇukidawos ro Babel ḇyeḇesisye yae ma snonkaku sya ”siryewen ro supswan ḇesiper”, rya sun kako fnoḇek si kakakyar ḇekur jiwa ḇepok ḇemarḇa. (Kej. 11:8, 9) Kofandun ḇa fafisu risai farkarkor ḇekakuḇa ine isya randak ya, mboi kokyar kaku Setan Ibiris, ”kma ro ankarkar na kam”, ima knam ro ankarkar anane ma imarisen kaku myam ankarkar ḇyenane neryewen.—Yoh. 8:44.