Waswarepen Ke?
Wawasya kam syap Baryas taun 2019 kwar ido, wafawi kankarem ro fakfuken nane ke?
Rosai knam ro Allah asas Ḇyedine: ”Romamun rosairirya monda sḇukimun mko na nun bon oḇaḇeri”? (Yes. 54:17)
Kokyar Yahwe na kyadaunwarek ko ro ”rarmomen ro snonkaku ḇemasasor”. (Yes. 25:4, 5) Mbroḇ koḇesi nari sismai bon oḇaḇeri fa sifrur koḇekandera isof fyoro.—w19.01, ram 6-7.
Moḇsa Yahwe fyasnai nanapes Ḇyedi faro snonkaku Kanaan ma kako snonkaku Israel ḇesouser ḇa sya?
Allah ḇyuk samamyai faro snonkaku ḇefrur fararur farḇuk ḇeḇyeḇa ḇaido sifrur roi ḇemnisḇa faro bin ma romawa sya. Ḇyebarakas snonkaku ḇesouser faro I sya ma ḇefrur pyum ḇesesya.—w19.02, ram 22-23.
Rosai fandun fa kofrur ya fafisu bena kakyar oser kuker ko ḇa senadi?
Na koḇefasis monda ma kofasnai syowi. Nari kakkofen ”amin” ya ḇa. Osower ido, na kakso warpu si ḇa fyor senadi ḇo sifepen yae siḇrasna. Imbude na koḇenadi ro kosnesna monda.—w19.03, ram 31.
Pelecehan seksual faro romawa mkun syama sasar ḇeba kaku ke?
Pelecehan seksual ima sasar sifrur faro romawa ani, sidang, pamarenta, ma Allah. Sasoser pamarenta sor snonkaku fa sikofenḇair ḇe si ono ḇefrur roi ḇemnisḇa nane ḇe romawa mkun ido, penatua na sisona.—w19.05, ram 9-10.
Moḇsa na fadwer rari ḇeknam kaku ro kakara ma sne bedi rai?
Nyan ḇefandun kaku yaiso: Ḇenadi ḇe Yahwe. Wawasenkara fa mam mnis roi ḇesasar na naisya kaker ro Au ke. Kwinfir bati ḇepyum sya.—w19.06, ram 11.
Rosai kofrur fa kofasosko ro kirine faro ḇaḇewayam na ḇeramaya?
Fandun fa kosambraḇser wis koḇena kuker Yahwe. Kokyar kaku ima iswar ko ma ipok ibur ko ḇaḇeri. Kowasya Refo ras ḇe ras, konadi faswef. Kokyar kaku barakas ro Allah Karajan Ḇyedi nari ndarirya beri. Koswarepen mnuk ro Refo komarisen kaku na ma kodisen doya sanandik ḇe Yahwe.—w19.07, ram 2-4.
Rosai na kofrur fa kofnoḇek kina koḇesya fa sismai ḇaḇye?
Kokara asuser moḇ sḇaḇir raya, kofasnai kenem ḇepyum, koḇe kaḇaḇaḇ ma kofasnai ḇaḇenaḇye.—w19.08, ram 15-17.
Moḇsa na kosmai sneprei rai, imnis Yesus ḇyeasas ro Matius 11:28?
Kona manfarkin ḇeswar ko, bati ḇefrur pyum kaku, ma kona fararur ḇepyum kaku.—w19.09, ram 23.
Rariso Yahwe ḇyuk ḇe ko marisen ma samambraḇ fa kofrur marisen Ḇyena? (Flp. 2:13)
Fafisu kowasya Refo ma kokarauser na, Allah idif kosnesna, ḇyuk ḇe ko marisen ma samambraḇ fa kofrur marisen Ḇyena. Rur Ḇyedi ifnoḇek ko fa kokir syadi.—w19.10, ram 21.
Rofyor kofrur snemuk ḇaim rosai fandun fa kofrur ya?
Nyan ririm naisoine: Ḇenadi wor fawawinanem. Swewar fa wafawi nabor syadi. Mam mnis roi ḇedif snembri. Wap ḇepon roi waḇe wafrur ya. Nwa karkara ḇemnis.—w19.11, ram 27-29.
Fafisu dawos ḇe Eva, Setan isya fyasnaiḇair jiwa ḇepok fa ḇemar ḇa ke?
Rya rarirya ḇa. Setan ikofenḇa nari Eva ḇaken ḇyedi imar. Setan fyasnaiḇair Eva nari ikenem pdef ro supswan. Osower ido, ro fafisu Faḇruḇ Ḇeba, farkarkor ḇekaku ḇa napromes kam. Rya farkarkor ḇekur jiwa ḇepok fa ḇemarḇa isya fyor Allah ifrur wos snonkaku sḇukisawos ro Babel ḇyeḇesisye yae ma snonkaku sya siryewen ro supswan ḇesiper.—w19.12, ram 15.