Yahwe dor kaku er Israel sya fa sḇe snonggaku ḇesren. Insama sisren pdef ikofen faro si, ”Mgombran mura muma awer fa mgokofen mamyai snonggaku sya. Mgofrur awer roi oso na ḇefrur min mgoḇedi imar. Ayaiso Yahwe.”​—Im. 19:2, 16.

Ro wos Ibrani, wos ”mgofrur awer roi oso na ḇefrur min mgoḇedi imar” wos ḇekaku ḇyedi iso ”mgores mgopampum rik min mgoḇedi”. Rosai knam ya ”mgores mgopampum”? Syap referensi Yahudi dawos ro Syap Imamat ḇo doḇe snar wos ani ”samswen fa sifawi i snar kofawi pyum ḇa knam ḇekaku ḇyena ro idiom Ibrani [sepake rodine].”

Pakar ḇeḇeso sikfasepen wos ine kuker mnuk ḇepon ya ḇekofen, ”Mgofarfir awer rofyor mgoḇemankara. Mgowaira ḇe snonggaku oso awer snar ḇyesabarar snar ḇyekayan. Fandun fa mgoḇemankara min mgoḇedi kuker nanapes.” (Im. 19:15) Wos ine nkaku ido, nfasnai parenta ro mnuk 16 ine snar Allah kawasa Ḇyesi ”sores spampum” awer kyurfasnai sifrur roi ḇenapes ḇa awer ro kankain karkara, farḇaḇyan sena, ḇaido ro kina yadori. Si kako sipok sanggarkar awer fa sismai untun ro manggunsi. Inja, kopok kofrur roi anine awer. Ḇape nyan ḇepyum kaku fa kofawi wos ine ro mnuk 16.

Mam fasfas ḇerandak ro mnuk 16. Allah doḇe snar kawasa Ḇyesi sipok sikofen mamyai snonggaku sya awer. Snar wos sikofen mamyai ani iḇyeḇa syadi ro wos sikofen snonggaku ḇesesya ḇaido gosip, imḇape kawos snonggaku ḇesesya kako ine na nafrur fa kosmai masalah kako. (Ams. 10:19; Pkh. 10:12-14; 1 Tim. 5:11-15; Yak. 3:6) Snonggaku oso ikofen mamyai ḇaido dawos wos ḇemamyai na ikofen roi ḇekaku ḇa fa ḇefrur snonsnon snonggaku ḇesesya iḇyeḇa. Inja imbude kokofen wos ḇeḇyeḇa ḇekur snonggaku ḇese mboi ifawi roi kokofen ani na nun roi ḇemun kankenem snonggaku ani. Iso ḇekuro Nabot i. Rofyor snon ḇeḇeso sḇuk kesaksian ḇekakuḇa ḇekur i, ine nafrur fa siso i kuker karui ḇape ima isasar ḇa. (1 Raj. 21:8-13) Inja, snonggaku ḇekofen mamyai snonggaku na ”dores pampum” min ḇyedi kuker ifrur fa imar, imnis ra ḇeyap ro kalimat ḇesuru ro Imamat 19:16.

Snonggaku oso imbude ikofen mamyai snonggaku ḇese snar imarisen snonggaku ani ḇa. Refo ikofen ro 1 Yohanes 3:15, ”Mansei ḇeayin naek ḇyedi, ikada snon mamun, ma mkofawi snon oso myamun ikada nya kankenem ḇekain fyoroya ḇa.” Oso wer ido, rofyor sbuk parenta ro Imamat 19:16, Allah ikofen wer roi ani: ”Mgain awer naek mgoḇesi ro mgosnemna.”​—Im. 19:17.

Inja, wos ḇefas ro Imamat 19:16 ipyum kaku snar ḇyuko swarapepen kaku faro snonggaku Kristen koine. Kosawenbur karkara ḇeḇyeḇa ma kopok kokofen mamyai snonggaku sya awer. Inja rofyor kokofen mamyai snonggaku oso snar komarisen i ḇa ḇaido kaini inema kyurfasnai ”kores kopampumi”. Ma ine nfasnai kaku komarisen snonggaku ani ḇa. Inja snonggaku Kristen koine kopok komsor snonggaku ḇesesya awer.​—Mat. 12:36, 37.