RO RAS Rabu 24 Januari 2018 arwo ya, kina Betel ḇero Amerika Serikat ma Kanada simarisen srower kafkofenḇadir ḇepyum kaku oso: Naek Kenneth Cook, Jr., daksun babo ro Badan Pimpinan baido Raryur Naek Ḇefarkin Saksi-Saksi Yahwe.

Naek Cook ḇyeaḇen ma iba ro Pennsylvania, Amerika Serikat. Ifawi kakakuya ro bati ro kelas ḇyedi fyor fanam imbe imnai ro SMA ma ḇyebaptis ro 7 Juni 1980. Dakḇe perintis biasa ro 1 September 1982. Taun risuru mura, sor i ḇe Betel. Irandak fararmyan ḇyedi ro Betel Wallkill, New York, ro 12 Oktober 1984.

Fafisu swaf taun ri 25, Naek Cook duf farmyan ro fararur sairirya kam ḇero Percetakan ma Kantor Betel. Fyarḇuk kuker Jamie, ro 1996, ma swari daksowarpu i ro fararur ḇero Betel Wallkil. Ro Desember 2009, sor Naek ma Srar Cook sura ḇe Pusat Pendidikan Menara Pengawal ro Patterson, New York. Ro diwa, skur Naek Cook fa fyararur fnoḇek Departemen Korespondensi. Naek ma Srar Cook sukaḇer fasaw ḇe fasilitas Wallkil ramnai, ro April 2016 skur su fa sura ḇe Brooklyn, New York. Paik ririm raposa, sor su fa suraḇe kantor pusat ḇero Warwick, New York. Ro Januari 2017, skur Naek Cook fa fyarmyan ḇe ḇesaramper faro Panitia Penulisan ro Raryur Naek Ḇefarkin.