Fakfuken ro Ḇewasya
Rofyor snon ma bin ḇeḇefarḇuk ḇa suyemir suyenef ro rum oso ro roḇ ya ḇesiper snar fandun oso ḇesnaibos ḇa ido, ine fyasnai sufrur sasar kwar ke? Ma fandun fa badan penatua sifrur panitia pengadilan ke?
Rarirya ido, fandun fa badan penatua sifrur panitia pengadilan.—1 Korintus 6:18.
Badan penatua sya na smam mnis kaku roi ḇeḇesya nane insa sna wos oser fandun fa sifrur panitia pengadilan ke roḇa. Imnis raris: Suma sufrur kabrai saswar ke? Ro fafisu iwara, penatua sḇuk ananun kwar insama susasor su kuker nyan moḇsa sufasnai saswar suḇena ke? Rosai ḇefnai fa suyenef kayam ro roḇ anya? Sufrur aw ḇepon kwar ke? Suna roi oso ḇese bisa sufrur ya ke, ḇaido nane ndarirya ḇo sufawi ḇaim na, fafisu neḇekara ḇepon na ḇaim, ḇaido darurat ḇefnai fa suyenef kayam ro roḇ anya ke? (Pengkhotbah 9:11) Ro moḇ risai suyenef ya? Fafisu oser-oser na neḇesisye, inja na penatua sya sisrow roi ḇese ḇefnoḇek si rofyor imbe sun wos oser.
Rofyor badan penatua sya smam mnis kaku rosai ḇeḇesya nane kwar, insape sun wos oser imbe sifrur panitia pengadilan ke roḇa.
