RO Fafisu fawar Refo, pengurus ḇaido snonkaku ḇemamwarek nari myamwarek rum yadori ḇaido saprop ma snonkaku ḇesesya rum sena. Wos Ibrani ma Yunani sefararwei wos ḇyena ḇe snonkaku ”bemamwarek” inoido kyur kako ḇe manfarkin ḇaido ḇebukor ro rum kina.

Fafisu Yakub roma ḇyedi, Yusuf, dakḇe women ro Masir, Yusuf dakḇe snonkaku ḇemamwarek tuan ḇyani rum ḇyeja. Komam kada, tuan ḇyanine ”ikyar roi nyana kam ḇe Yusuf i” fa myamwarek na. (Kej. 39:2-6) Ḇarpur ya, fyor Yusuf dakḇepoik ro Masir ikako iwan snon oso fa ḇye snonkaku ḇemamwarek rum ḇyani.​—Kej. 44:4.

Ro Yesus fafisu ḇyedi, snonkaku bena yaf sya nanoido sḇarek ro moḇ ḇese, sbinkwanbur ro yaf sena. Inja, siwan ḇemamwarek sya fa smam fararur ro ḇefararur ro yaf rasras na.

Manseiso na ḇesyus fa ḇe snonkaku ḇemamwarek oso? Columella, manfasfas oso ḇeraker Roma ro abad randak, fyas ḇo doḇe women oso siwan i fa ḇyebukor, ḇaido ḇyemamwarek ido, fandun fa ”ifawi ifararur pyum kwar”. Fandun fa ”myampyum kaku ḇefararur sya sifrur fararur sena kuker pyum, ma ipok irarmomen faro si awer”. Columella ikofen wer, ”Roi ḇefandun ya, ipok ikofen awer fyawi roi nakam kwar, fandun fa imarisen fyarkor roi ḇebabo na.”

Refo ḇyepake conto ro ḇemamwarek oso ma fararur ḇyena fa ḇyukifasnai fararur sifrur ro sidang Kristen. Imnis raris, Manwawan Petrus danun snonkaku Kristen fa sḇuk ḇaḇekir sismai ro Allah fa ’suffarmyanyae si, imnis raris fakamaman snonkaku oser-oser isma kwar imnis manfarkin ḇeḇye ro Allah saswar-fakamaman ḇyena’.​—1 Ptr. 4:10.

Sararḇer ḇero Lukas 16:1-8, Yesus ḇyuk conto ro ḇemamwarek oso. Ḇesewer ido, ro bardadi ḇekur rarama ḇyedi ḇe Raja, Yesus ḇyuk kakyar ḇe si nari ikanow ’manfamyan ḇeḇesyowi ma ḇefawi nananem’, ḇaido ’snonkaku ḇemamwarek kuker soasuser’. Fararur ḇepon kaku ro snonkaku ḇemamwarek anine isoine fyasos nanan rurya ḇesya kwar faro Kristus manfamyan ḇyesi ro ras-ras papupes ya. (Mat. 24:45-47; Luk. 12:42) ’Snonkaku ḇemamwarek kuker soasuser’ fyasos roi ḇebor kofandun na fa nasambraḇser kakyar koḇena, ma nanekam naisya ro supswan ḇesiper. Kokofen kasumasa snar kosmai roi ḇepyum ḇerarirya anna kwar.