Mnuk ḇepyum ine ryok radine, ”Fafisu mam ḇebarara ḇekaki ifrur samswen snonggaku ḇenana ḇa ma ifrur roi ḇenapes ḇa ḇaido ḇekaku ḇa ro moḇ ḇyedi ido, kwandor awer, kukro ḇekaki syadi ro i isya myamepen i. Ḇekaki syadi ro ḇebarara sya isya.”​—Pkh. 5:8.

Rofyor sia siwasya mnuk ine, skara mnuk ine dawosḇair ḇebarara snonggaku sya. Mboi, mnuk ine byuk swarapepen ḇe ko kako faro Yahwe I. Kofawi pyum roi ine kada, nari kosmai sneprei ma kosambraḇ.

Pengkhotbah 5:8 anya dapḇair ḇebarara oso ifrur samswen snonggaku ḇenana ḇa ma ifrur roi ḇenapes ḇa yoḇ si. Fandun fa ḇebarara ani iswarepen snar ḇebarara ḇekaki syadi ḇaido ḇena papoik syadi ro i isya myamepen i. Ḇekaku ya, ḇebarara ḇepoik syadi ro sikam sisya. Mboi faḇye kukro ḇebarara ansya kam simbran papoik sena kuker payamyum ḇa, ma sifnai fa snonggaku ḇebor sya sekandera.

Imbape, dunya ine nyapnap kaku yo, kofawi Yahwe isya myamepen rosai ḇebarara sya sifrur na. Roi nane nafrur sneprei ko. Oso wer ido, kofawi Yahwe isya myam ko. Refo ya ikofen ḇo doḇe Yahwe mgamor Ḇyesuya sumamepen supswan ḇesiper, ma imarisen fyasnai samambraḇ Ḇyena faro snonggaku ḇena sne ḇesiper faro I. (2 Taw. 16:9) Imbo, bisa fa kor fafnoḇek ro Yahwe I ma kosawen makakwarek koḇena kam faro I.​—Mz. 55:22; Flp. 4:6, 7.

Inja, Pengkhotbah 5:8 ḇyeḇair snar ro snonggaku sya pamarenta sena, komam ker ḇebarara sisya sna papoik syadi ro ḇebarara ḇesesya. Mboi ḇefandun syadi ya, mnuk ine ikofenḇair snar Yahwe, Allah Ḇepoik Syadi, iso Manḇepoik Ḇekaki Syadi. Isya myamepen snonggaku oser-oser roi sifrur na, ma imbran Papoik Ḇyena kuker nyan ḇenapes. Fafisu ine, Yahwe isya ḇyepoik roro Roma Ḇyedi, Yesus Kristus i. Iso Raja ro Allah Karajan Ḇyedi. Yesus dakmnis ra Kmari, imbran papoik ḇyena kuker nyan ḇenapes.