Pamela fyawar ḇo doḇe, ”Fyor yaḇeberobat ya yamgake. Ḇape fyor yaḇenadi ḇe Manseren Yahwe I, yasmai sneprei ma yamgakwarek wer ḇa. Imbo, yaduf kaker ime, fama nadi nafnoḇek aya fa yana swaruser ḇemnis. Sia sifuken abar yedi ido, na yakofen monda, ’Yaduf ḇoi yaryaḇ kaker!’”

Kokame kona samswen bardi, ma kofandun fafnoḇek. Na kowafo samswen ḇesyadi ndrama ari insape koḇenadi ke? Oroḇa, imboi samswen kosmai nane kasun ḇaido naba ke na koḇenadi.

Refo doḇe, ”Wasawen roi ḇemarḇak bena ḇe Yahwe I, ma nari ifnoḇek au. Na myam snonggaku ḇenapes isapi ḇaḇeri.” (Mazmur 55:22) Wos ine nafrur sneprei kaku! Ḇape, moḇsa nadi ifnoḇek Au rai? Benadi kuker nyan ḇepyum ido, Allah nari ḇyuk rosai wafandun faro samswen bena.​—Mam kotak  ”Nadi Na Nafnoḇek Kaku Au.”