Rosai Refo Ikofen Na?
Koisya kokenem ro ’ras-ras ḇepupes’ kwar ke?
Rosai kankarem Bedi?
Imbo
Oroḇa
Imbude ryariri
Rosai Refo ikofen na
”Mkofawi mboi ro ras ḇepupesna nari ndama kuker kandera nabor.” (2 Timotius 3:1) Ḇardadi ro Refo ma roi ḇekur ro fafisu ine, fyasnaiḇair kokenem ro ’ras-ras ḇepupes’ kwar.
Rosai wer Refo fyarkor na?
Roi ḇefasnaiḇair ras-ras ḇepupes isoine mamamun, basbiser, rim ḇeba, ma dafduf ḇeyun marmar nabor naisya.
—Matius 24:3, 7; Lukas 21:11. Ro fafisu ras-ras ḇepupes ya, kawasa snonkaku sya sna kenem ḇeḇyeḇa ma sikenem ro rurya ḇa.
—2 Timotius 3:2-5.
Rosai saneraro faro snonkaku sya ro fafisu iyama?
Snonkaku ḇeḇeso sikyar . . . snar ras-ras ḇepupes nari imnai rofyor supswan ine ḇyeḇekakok ma snonkaku syakam sḇeḇemun, ḇape ḇesesya sikyar snar fafisu koḇedine nari ipyum syadiwer. Au ido moḇsa kwara rai?
Rosai Refo ikofen na
”Snonkaku ḇenapes sya nari sikenem ro supswan, ma nari sḇarek rodiwa isof fioro-fioro.”
Rosai wer Refo fyarkor na?
Ras-ras ḇepupes nari imnai rofyor snonkaku ḇeḇarḇor syakam sḇeḇemun.
—1 Yohanes 2:17. Supswan ine nari ḇyeḇefadwer ḇe firdaus.
—Yesaya 35:1, 6.