’Karajan Bedi Ryama Kada’—Snonkaku Riyuta Sap Ker Nadi Ine
Ras oso wakḇenadi ḇo wor radine: ’Karajan Bedi ryama kada’ ke? (Matius 6:10) Swaf taun utin ḇe utin kwar, snonkaku riyuta sya sap kaḇer ker fararyor ine ro nadi kofawi ḇe Nadi Ḇeba. Rosai ḇefnai fa sap kaḇer ker wos ine? Kukro Yesus iwan faro manfamyan ḇyesi kwar fa senadi ḇo sor insama Karajan Allah ryama.
Randak ya, Yesus manfamyan ḇyesi sifawi kaku ḇa Karajan minsai Yesus ikofen anya. Ras oso sifuken yoḇ i, ”Manseren, wamarisenke ro fafisu ine, bawes [Karajan] faro kawasa Israel?” Imbude sikandor kukro Yesus kyarem fakfuken senane ḇeri ḇa. (Farfyar 1:6, 7) Inja, na kopok kofawi ḇa Karajan Allah ido rosairirya ma fafisu risai nari ryama ya ke? Oroḇa!
Syap Baryas ine nari ifnoḇek Au fa wafawi kankarem ro fakfuken nane:
Rosai ḇefnai kaku fa kofandun Karajan Allah?
Manseiso ḇe Raja ro Karajan Allah?
Fafisu risai Karajan Allah nari ḇyepoik supswan ine?
Rosai nari Karajan Allah ifrur ya?
Rosai ḇefnai fa kosaramper Allah Karajan Ḇyedi ro fafisu ine ḇeri?
Karajan Allah ido rosairirya?
Wamarisen Ido Mam Ine Kako
ESSENTIAL BIBLE TEACHINGS
Karajan Allah Ido Rosairirya?
Fafisu Yesus fyarmyan ro supswan, dapḇair ker Karajan Allah isyadi ro roi ḇesena. Ro abad ḇe abad, snonkaku sya senadi fa sor insama Karajan ani ryama.
