Kandera ndramuma ro Allah ḇa ido, na koḇuk sasarya ḇe mansei faro basbiser, ḇaḇesabarar, mamamun, dafduf, ma rim ḇeba ḇekur ko na? Allah Wos Ḇesren Ḇyedi, Refoya, fyasnaiḇair roi rikior ḇewar kaku fa snonkaku sya sekandera:

1. Fandun mankun, Anambri, ma Ayayin. ”Snonkaku sḇepoik snonkaku isof sismai kandera ro mankunsi.” (Pengkhotbah 8:9) Snonkaku ḇebor sismai kandera ker snar snonkaku sinapes ḇa, sfandun mankunsi, ḇaido sirarmomen.

2. Oras ma Fafisu Kofawi Ḇa Na. Snonkaku sya sekandera snar ”oras ma fafisu kofawiḇa na ndrama myun manseirya kam.” (Pengkhotbah 9:11) Ine fyasnaiḇadir fyorno ido kokandor monda roi ḇemun nkur ko snar koisya ro moḇ ḇaido fafisu ḇesasar. Ḇaido snar snonkaku sya sisasor si ḇa, inja sifrur fa kosmai roi ḇemun.

3. Ibiris Iso Ḇepoik Dunya Ine. Refo fyasnaibos manseiso ḇewar kaku fa snonkaku sya sekandera. Refo ikofen, ”Supswan ḇesiper ine isya ro papoik Ibirisya.” (1 Yohanes 5:19) ”Ibirisya” isoine Setan nya samambraḇ ḇeba. Randakya, ima malaikat dirya ḇape ḇarpurya ”iso napnapes yaḇa”. (Yohanes 8:44) Malaikat ḇesesya kako sifrur marisen sena ma sembroḇ fa spampum Allah I. Inja sap si ḇe hantu-hantu. (Kejadian 6:1-5) Fafisu sembroḇ Allah I, Setan ma hantu-hantu ḇyesya sḇensewar kaku fa sifrur roi ḇero dunya ine imnis marisen sena. Komam na kwar ro fafisu koḇedine. Kirine Setan imsor fafaya ḇa ma ’dankar supswan ḇesiper’ ine, inja supswan ine ndoe. (Fasasna 12:9, 12) Setan manḇepoik ḇerarmomen kaku. Imarisen myam snonkaku sya sḇekandera. Inja, Setan iso ḇewar kaku fa snonkaku sya sekandera, Allah I ḇa.

WAKARAPAN: Snonkaku ḇeḇarḇor monda na ḇemarisen ḇemam snonkaku ḇesasar ḇa sya sekandera. Ḇape, Refo ikofen, ”Allah ikada isaswar.” (1 Yohanes 4:8) Inja, ”Pok ḇaḇeri fa Allah ḇenapes ifrur ḇarḇor, ma Ḇeḇepoik Syadi fa ifrur sasar!”​—Ayub 34:10.

Imbape, na wafuken, ’Isof ro fafisu risai Allah Ḇeḇepoik Syadi myam Setan ḇyepoik ma ifrur napnap ro supswan?’ Raris kawos kwar anya, Allah dayin roi ḇeḇarḇor na ma ḇyesneso kaku fyor myam kosmai kandera. Inja, Refo ikofen ḇe ko fa ’Koḇuk makakwarek koḇena kam faro Allah, snar i ḇefaduru ko.’ (1 Petrus 5:7) Allah iswar ko ma nya samambraḇ ḇeba kaku fa ifrur kandera ma ḇaḇenanapes ḇa namnai. Ro artikel ḇeuser ya nari fyasnaiḇair nabor syadi wer. *