Snonkaku Ḇemar Sya Na Siḇye Wer Ke?
Marmar ya nawyae kenem koḇena kam. Mboi marmar iso papupes ro roi nakam ke? Snonkaku ḇemar sya sḇefnder si isof fyoro-fyoro ke? Snonkaku ḇemar sya na siḇye wer ke?
ROSAI REFO IKOFEN NA:
ALLAH ḆYEFNDER SNONKAKU ḆEMAR KWAR SYA ḆA
”Snonkaku ḇeḇor ḇero ureren na dona nari . . . siḇersi.”—Yohanes 5:28, 29.
Allah iswarepen snonkaku ḇemar kwar sya, iswarepen kaker si ḇo nari ḇyawes kaḇer si fa sikenem wer.
KAḆAKḆOK YA NA ISYA RO SUPSWAN INE
”Aḇiḇer ya isya faro snonkaku ḇeḇor ḇemar sya, iḇye snonkaku ḇenapes sya ma ḇenapes ḇa sya.”—Farfyar 24:15.
Snonkaku milyar ḇemar kwar sya nari Allah ḇyawes kaḇer si fa sikenem kuker payamyum isof fyoro-fyoro.
KAKAKYAR FARO KAḆAKḆOK YA
”[Allah] kyorepen barbor ro mak sya; dor sikam kuker sisnosna oser-oser.”—Mazmur 147:4.
Allah ifawi mak syakam sisnosna oser-oser, inja kokyar napyan monda fa iswarepen snonkaku nari ḇyawes sya.
Wamarisen Ido Mam Ine Kako
FAKFUKEN ḆEKUR REFO NEḆEKAREM
Moḇsa Kaḇakḇok ro Snonggaku Ḇemar Sya Isnai Rai?
Imbude na wakandor snar wafawi mansei monda ḇesmai saneraro fa sikenem wer ro fafisu iyama.
