Snonggaku ḇerandak kaku Manseren Allah ­ifrur ya iso Adam. Koine kam Adam romawa kpu up ḇyesiko, inja koma koḇe kina oser. Manseren Allah imarisen fa koswar ma koḇesyowi ko. Imbape, baboine snonggaku ḇebor sya sakfasnai roi ine ḇa. Allah ḇesaswar imewer myam roi ḇeradine.

”Mgoswar min mgoḇesi imnis mgoswar manggun mgo.”​—IMAMAT 19:18.

’Mgoswar mbroḇ mgoḇesi.’​—MATIUS 5:44.

Ro 1 Korintus 13:4-7, Manseren ikofenḇair moḇ kofasnai saswar ya.

’Saswar ani kyaḇaḇaḇ ma ifrur pyum.’

Kwarapan: Moḇsa na ḇaḇir rai fafisu wafrur sasar ḇo snonggaku ḇese sifrur pyum, seka­ḇaḇaḇ, ma simsor fasaw Au ḇa?

’Saswar ani isasyar kuker sasurem ḇa.’

Kwarapan: Moḇsa ḇaḇir rai fafisu sia sfafayaf ker Au ḇaido simarisen Au ḇa?

’Saswar ani ḇyedafdifer snonggaku ḇese fa siso marisen ḇyena ḇa.’

Kwarapan: Moḇsa na ḇaḇir rai fafisu sia simarisen srower pyum fyor wakofen roi kwara na ma sidif Au ḇa fa rwower kakara sena ḇardi?

Saswar ima ’ikram masasor ḇa’.

Kwarapan: Manseren Allah imarisen ipyos sasar ro snonggaku ḇembror ro sasar sena kwar. ”Ipok syewar ker sasar ya ḇa, ḇaido sneri fyafayaf ker ḇa.” (Mazmur 103:⁠9) Ko­frur fa snonggaku oso imsor kwar, mboi ḇyuk ampun ḇe ko ido na komarisen. Inja, sia sifrur fa komsor ido komarisen kakḇuk ampun yoḇ si.​—⁠Mazmur 86:⁠5.

’Saswar ani imarisen ḇa faro roi ḇekaku ḇa.’

Kwarapan: Fafisu roi ḇeḇyeḇa kyur ko ḇo ḇesesya simarisen ido, na komarisen ḇa kaku. Inja, na kakmarisen ḇa kako fafisu roi ḇeḇyeḇa kyur snonggaku ḇese ḇaido snonggaku ḇefrur susa konsya.

Kofasnai koswar min koḇesi ro nyan ḇeyap kwar anya ido, nari kosmai barakas ro Manseren Allah. Nyan oser kofasnai koswar si iso kosaramper ḇefandun fafnoḇek sya.