Rosai Na Ḇebuk Payamyum ḇe Ko faro Ras Ḇarpon Iyama?
Raris kawos ro farkarkor ḇepon na, ḇebor sya sikyar kenem sena oso ḇyeatur na kwar, sisewar farkarkor ḇekaki ma pipi, ma sifrur pyum ido nari nbuk aski syadi ro ras ḇarpon iyama. Ḇape kakuya, roi sifrur anna namnis ra sikyar faro peta ḇesasar insa sraḇe moḇ oso simarisen na. Rarirya ido, roi ḇebuk aski ro fafisu iyama isya ke? Imbo isya!
KNAM RO ANUN ḆEPYUM KAKU
Fyor kofandun wos anun, na kofuken faro snonggaku ḇesinan syadi ma ḇefawinanem ro konsya. Mankun oso ḇesinan syadi ma ḇefawinanem na ḇebuk wos anun ḇepyum kaku ḇe ko. Wos anun ani isya ro syap oso ḇeḇefas indokada taun 3.500 naiwara. Syap ani iso Refoya.
Rosai ḇefnai fa kokyar Refoya? Snar ndrama ro Mankun ḇesinan syadi ma ḇefawinanem ro supswan farsyos. Refo dap I ḇe ”Ḇesinan Syadi” iso ”Allah ḇesya isof fyoro-fyoro, ḇena awar ḇa, ḇena papupes ḇa”. (Daniel 7:9; Mazmur 90:2, Bahasa Indonesia Masa Kini-LAI) Ima ”Ḇefrur farsyos, Allah ḇekaku, Ḇefrur supswan”. (Yesaya 45:18) Ikofenḇair snonsnon Ḇyedi ḇe ko kako, isoine Yahwe I.—Mazmur 83:18.
Snar Refo ndrama ro Allah ḇefrur snonggaku syakam, inja roi ḇeḇefas ro dorina myanen budaya ḇaido er oso ipyum syadi ro ḇesesya ḇa. Wos anun ḇyena namnis ro fafisu ine kako ma napyum faro snonggaku syakam. Refo iso syap ḇebor seterjemahkan na ma ḇeḇerwas nabor kaku. * Inja, snonggaku syakam bisa siwasya ma sismai payamyum ro syap ine. Roi ine kam namnis kuker wos ḇero Refo ine:
”Allah myam rarwas snonkaku ḇa. Snonkaku oser-oser ro er rosairya kaker, ḇeyararyof ma ḇeḇesyowi Allah kuker napnapes imarisen si.”—FARFYAR 10:34, 35.
Imnis raris sinan ḇeswar ma ḇemarisen ḇefnoḇek romawa ḇyedi, Allah Yahwe kako iswar ma imarisen ifnoḇek ko ro Refo, ḇeser wos Ḇyena. (2 Timotius 3:16) Iso ḇefrur konya, ma ifawi rosai ḇepyum faro ko. Inja, bisa kokyar rosai ikofen ḇe ko roro Refoya.
Rosai na wafrur kaku insa wasmai aski ro ras ḇarpon iyama ḇemnis radine? Kankarem ḇyena nasya ro farkarkor ḇeuser ya.
^ syos 6 Imbe wafawi nabor syadi wer ḇekur penerjemahan ma ḇaḇerarwas Refo ido, mam ro www.pr418.com/id, ma kwinfir ḇar AJARAN ALKITAB > SEJARAH DAN ALKITAB.
^ syos 16 Imbe wafawi nabor syadi wer, mam syap Alkitab—Firman dari Allah atau dari Manusia?, fasal 9. Ḇefrur syap ine iso Saksi-Saksi Yahwe ma naisya ro internet. Imbe wawasya syap ine ido, mam ro www.pr418.com/id, ma kwinfir ḇar PERPUSTAKAAN > BUKU & BROSUR.
Wamarisen Ido Mam Ine Kako
BARYAS
Kakaku kuker Ras Ḇarpon Iyama
Swambraḇser kakyar Bedi faro rosai Allah ikofen kuker ras ḇarpon iyama faro supswan ma snonkaku ḇekenem ro dori sya.
BARYAS
Farkankin ḇero Refoya Ḇyefainda Kaker ro Fafisu Ine Ke?
Fawawi ḇebabo kako nabor kwar fama, rosai ḇefnai fa koḇe kosewar farkankin ro Refo ḇeḇarek fyoro kwar fanam taun ri 2000 ine wer?
BARYAS
Refo ma Ras Ḇarpon Bedi
Refoya bisa ifnoḇek ko fa komam pyum rosai ḇero ḇarpon koḇena—samswen ḇekur ko ro ras ḇe ras ro dunya ḇemnis ḇa ine. Ḇape Refoya ifnoḇek ko ḇesya kwar. Nane nfasnaiḇair roi nari ḇefrur kanandor ko ro ras ḇarpon iyama.
