Payamyum Bena ro Ras Ḇarpon Iyama Nasya ro Ḇramin Bedi!
Indokada taun 3.500 rofyor iwara, Allah Yahwe ikofenḇair ḇe manfamyan Ḇyesi rosai fandun fa sifrur na insama sismai payamyum ro ras ḇarpon iyama. Ikofen, ”Yabuk fa mgokinfir kankenem ma marmar ya, barakas ma fafras. . . . Mgo ma romawa kpu mgoḇesi fandun fa mgokinfir kankenem insama mgokenem pdef.”—Ulangan 30:19.
Fandun fa sekinfir pyum insama ras ḇarpon sena nafo kuker aski. Imnis raris si, ko kako kona kankinfir. Inja, moḇsa nyan ya infa kokinfir pyum? Refo ikofen, ”Fandun fa mgoswar Yahwe Allah mgoḇedi, [ma] mgomnaf wos Ḇyena.”—Ulangan 30:20.
MOḆSA KOSWAR YAHWE I MA KOMNAF WOS ḆYENA RAI?
KOFARKOR REFO YA: Insama koswar Yahwe I, fandun fa kofarkor ḇepon resari insa kofawi ro Refo ya. Kofrur rarirya ido, nari kofawi snar Allah iswar ko ma imarisen roi ḇepyum faro ko. Imarisen koḇenadi faro i ’snar i ḇefaduru ko’. (1 Petrus 5:7) Refo ḇyeasas kako snar koḇesewar fa kofanam faro Allah ido, ’Nari Allah fyanam faro ko’.—Yakobus 4:8.
KOFRUR ROI KOFARKOR KWAR NA: Komnaf Manseren Allah kuker koso wos anun Ḇyena ro Refoya. Kofrur rarirya ido, ’nari kokenem pyum ma nari kofasnai fawawinanem ya’.—Yosua 1:8.
^ syos 7 Ro kirine nasya kwar ro wos rifik, isoine wos Mandarin ma Kanton kako.
Wamarisen Ido Mam Ine Kako
BARYAS
Payamyum Bena ro Ras Ḇarpon Iyama, Mankundawso Ḇekinfir Ya!
Snonkaku ḇebor sifawi snar kankenem sena sap na kwar. Ine nkaku ke?
