Snonggaku Syakam Simarisen Sismai Payamyum ro Ras Iyama!
Payamyum ro ras iyama risaiso wakmarisen na? Imnis snonggaku ḇebor sya, na wamarisen au ma kina ḇedi mgokenem kuker payamyum isoine dafduf noba, pararei ma mgokenem mararen.
Imbape, snonggaku ḇebor sya sikyar manggun ḇa snar nari sismai payamyum ro ras ḇarpon iyama raris moḇ simarisen na. Snar smam kwar roi ḇejadi na imnis ra pandemi COVID-19 ḇerama kanandor ma ḇefrur susa snonggaku ro sasewar pipi, syadiwer nmun snonggaku ḇebor sya. Roi ine ifnai ḇo, skara nari sismai payamyum ro ras ḇarpon iyama ḇa.
Snonggaku sya soḇo kofawi mnis kankenem ine ḇarya, snonggaku sya kuker raryaḇ sibran sisewar roi oso nari ḇeyun siḇe kankenem ḇepyum ya. Sia sikyar faro ramalan ḇaido nasib. Snonggaku ḇebor ono skara ḇo soḇe farkarkor ma pipi iso na ḇebuk payamyum faro ras ḇarpon sena. Ḇesesya wer soḇo fandun fa sifrur roi ḇepyum monda ro kenem sena.
Roi ḇeḇeso ani nari nbuk payamyum ro ras ḇarpon iyama ke? Infa wafawi na, kwarauser fakfuken ḇeḇeso nane:
Moḇsa wafawi kaku ras ḇarpon ḇedi iyama rai?
Farkarkor ma pipi nbuk payamyum ro ras ḇarpon iyama ke?
Snonggaku ḇefrur pyum nari seaski ke?
Rosai na ḇebuk payamyum ḇe Au faro ras ḇarpon iyama?
Syap Baryas ine na nafnoḇek Au fa wasmai kankarem ḇyena.
Wamarisen Ido Mam Ine Kako
ESSENTIAL BIBLE TEACHINGS
Karajan Allah Ido Rosairirya?
Fafisu Yesus fyarmyan ro supswan, dapḇair ker Karajan Allah isyadi ro roi ḇesena. Ro abad ḇe abad, snonkaku sya senadi fa sor insama Karajan ani ryama.
ESSENTIAL BIBLE TEACHINGS
Rosai Ḇefnai fa Kokyar Rosai Ḇero Refo Ima Nkaku?
Refoya ryama ro Allah ido, fandun fa iḇesebur ro syap nakame.
ḆEKURFASNAI INGGO
Wor fa Srama yoḇ Au
Wafuken fakfuken ḇekur Refo na, oroḇa ido wafarkor fa manggundaw wakfawi syadi Saksi-Saksi Yahwe sya.
