BARYAS
No. 3 2017 | Ḇeyek Kuda Rifyak —Rosai Wasmaina Rofyor Wafawi Si
AU IDO MOḆSA KWARA RAI?
Snonkaku ḇebor sifawi pyum kaku fasasna kuker ḇeyek kuda rifyak ḇefararar ḇero syap Wahyu ya. Sino simkak siwasya na. Ḇesesya simarisen kaku fa sifawi na. Mampan rosai Refo ikofen kuker ḇardadi anine:
”[Aski] faro snonkaku ḇewasya ma ḇerower ḇaryas ḇardadi syap ine roi ikofen ḇadir na.”
Majalah Baryas ine fyasnaiḇair rariso fasasna kuker ḇeyek kuda rifyak ansine ima abar ḇepyum faro ko.
AWAWOS ḆEPON YA
Ḇeyek Kuda Rifyak ma Au
Kuda rifyak—oserya ipyoper, oserya irik, oserya ipaisem, ma oserya irwai. Fasasna kuker ḇeyek kuda rifyak ansya ima fasasna oser ḇesnaibos kaku ḇero syap Wahyu.
Bukti Kermkun Ḇape Nafrur fa Kokyar
Imbude wafawi Tatenai i ḇa, ḇape bukti arkeologi fyasnaiḇair ima snon ḇena papoik.
REFO FYADWER KANKENEM
Yaswar Syadi Kaku Farfnak Bisbol ro Roi Nakam!
Samuel Hamilton ḇyuk oras ḇyena fa nabro fa ḇyukifnak olahraga, ḇape fakarkor Refo fyadwer kenem ḇyedi.
KOFARARI KAKYAR SENA
”Auma Bin Ḇedoser Kaku”
Ro Masir, Firaun ḇeḇarara ḇyesi riḇeso smam Sara dasdoser ḇyeja. Rosai ḇeḇejadi ya ifrur fa wakandor.
Rosai Refo Ikofen Na?
Allah myam keret oso ro snonkaku sya sipyum syadi ro ḇesesya ke? Allah ḇyuk barakas oroḇaido fafras faro keret oso ro snonkaku sya ke?