Rosai Refo Ikofen Na?
Refoya Bisa ifnoḇek Au fa wafrurmnis makakwarek Bena ke?
Rosai kankarem Bedi?
Imbo
Roba
Imbude ryariri
Rosai Refo ikofen na
”Mkoḇuk makakwarek mkoḇena kam faro Allah, snar i ḇefaduru mko.” (1 Petrus 5:7) Refo ḇyuk kakyar ḇe Au snar Allah bisa ifnoḇek Au fa wamkei ro makakwarek Bena.
Rosai wer Refo fyarkor na?
Kuker ḇenadi, nari wasmai ”[ḇaḇeaski] ro Allah”, iso ḇefrur fa wamkakwarek syadi ḇa.—Filipi 4:6, 7.
Osower ido, wawasya Refo kada, na nafnoḇek Au fa bukor Bena naduf ḇa.—Matius 11:28-30.
Nari makakwarek nasya werḇa ke?
Snonkaku ḇeḇeso sikyar . . . snar makakwarek ma bukorduf nama roi snonkaku sya sna kwar nairi, mboi ḇesesya sikyar snar rofyor kubir fyaspar insape makakwarek ine ipromes. Au ido moḇsa kwara rai?
Rosai Refo ikofen na
Allah imarisen nari ipyos roi ḇefnai makakwarek nakam. ”Marmarya isyaḇa kwar; sne ḇefafardun, kankanes, roḇa dafduf naisyaḇa kako.”—Wahyu 21:4.
Rosai wer Refo fyarkor na?
Ro ḇaḇ Karajan Allah, nari snonkaku sya sikenem kuker aski ma payamyum.—Yesaya 32:18.
Makakwarek ma bukorduf nari siswarepen na ḇa kwar.—Yesaya 65:17.
