Refoya dakfarkor ḇa snar ko oser-oser kona malaikat ḇekadaunwarek ko. Yesus doḇe, ”Mkoswarepen, ro karkara mkoḇena mkorun awer oso ro romawa kasun sine [Kristus, manwawan ḇyesi]. Snar yakofen faro mko: Malaikat sesi sisya ro boiyaswa ḇemam Mami ḇarpon ḇyedi ḇesyakwar ro boiyaswa.” (Matius 18:10) Inja, Yesus ikofen ḇaḇeri snar koma kona malaikat ḇekadaunwarek ko. Ikofen monda malaikat sya simarisen faro manfamyan ḇyesi semir. Imbo na rariryaḇae, snonkaku ḇesyom faro Allah ḇekakuya simewer sifrur roi oso mboi skara mnisna ḇa ḇaido simewer sisoso fa sifrurna ḇo skara nari Allah malaikat Ḇyesi skadaunwarek si.

Inja, malaikat sya sifnoḇek ko ḇa ke? Rarirya ḇa. (Mazmur 91:11) Snonkaku riḇeso sikyar kaku snar Allah iwan malaikat Ḇyesi fa skadaunwarek ma sfarkin si. Kenneth, ḇeḇeyap ro randak awawos ine na, dakḇaḇir radiri. Koma kofawi mnisna ḇa, ḇape imbude rosai dawos anya nkaku radiri. Saksi-Saksi Yahwe sya smam kaku snar malaikat sya sifnoḇek si ro fararur ḇaḇeḇaryas sena. Snar malaikat sima komam si ḇa, inja kofawi mnis ḇa rosai ḇefnai fa Allah iwan si fa sifnoḇek snonkaku sya oser-oser. Imbape, kokofen kasumasa faro Allah Ḇena Papoik Syadi snar ifnoḇek snonkaku koine kwar nama roi ḇefandun dirya ḇae.​—Kolose 3:15; Yakobus 1:17, 18.