Rosai Refo Ikofen Na?
Armagedon ido rosairirya?
Snonkaku ḇeḇeso sikyar . . .
snar supswan ine nari ḇyeḇekakok kuker senjata nuklir ḇaido snar moḇna naḇyeḇa kwar. Au ido moḇsa kwara rai?
Rosai Refo ikofen na
Armagedon iso ”Allah Ras ḇyedi Ḇepoik syadiya”, ras mamamun Ḇyedi fa myun ḇeḇarḇor sya.—Fasasna 16:14, 16.
Rosai wer Refo fyarkor na?
Ro ras Armagedon, Allah na kyakok supswan ine ḇa, ḇape fyaspar i ro snonkaku ḇefrur supswan ine iḇyeḇa.—Fasasna 11:18.
Ras mamamun Armagedon nari ifrur mamamun nakam fa namnai.—Mazmur 46:8, 9.
Ro ras mamamun Armagedon ya na snonkaku ono sisya sisma fasasparya ke?
Rosai kankarem Bedi?
Imbo
Roba
Imbude ryariri
Rosai Refo ikofen na
”Snonkaku sibor syadi” ro er syakam nari sisasyarbur ”kandera ḇeba”, iso nari imnai ro ras mamamun Armagedon.—Fasasna 7:9, 14.
Rosai wer Refo fyarkor na?
Allah imarisen insama snonkaku sibor syadi sfasparbur Armagedon ya. Myunpres snonkaku ḇeḇarḇor sya snar iso snemuk ḇepupes kyinfir ya.—Yehezkiel 18:32.
Refo ikofen fasna nyan fa kofasparbur Armagedon ya.—Zefanya 2:3.
Wamarisen Ido Mam Ine Kako
FAKFUKEN ḆEKUR REFO NEḆEKAREM
Rosai Sor ḇe Mamun Armagedon ya?
Wos Armagedon sfas i rarwan oser monda ro Refo ya, ḇape mnuk nakam ro Refo neyapḇair ḇe mamun anine.
