Rosai Refo Ikofen Na?
Nari Allah kyarem nadi nakam ke?
AU IDO MOḆSA KWARA RAI, NARI KYAREM NADI RO . . .
Snonkaku syakam
Snonkaku riḇeso monda
Snonkaku osoḇaḇeri
ROSAI REFO IKOFEN NA
”Yahwe fyanam faro snonkaku syakam . . . ḇeyor faro I ro napnapes ya.”—Mazmur 145:18.
ROSAI WER REFO FYARKOR NA?
Allah imewer ryower nadi ro snonkaku ḇemewer ḇesouser faro I sya. (Yesaya 1:15) Imbape, bisa fa ’sifrur mnis parkara-parkara’ kuker I rofyor sifadwer nyan kankenem sena.—Yesaya 1:18.
Insama Allah ryower nadi ro snonkaku oso ido, fandun fa ikenem imnis kuker Allah marisen Ḇyedi ḇeḇefas ro Refoya.—1 Yohanes 5:14.
Inja fandun fa koḇenadi kuker nyan oser monda ke?
SNONKAKU ḆEḆESO SIKYAR snar rofyor senadi ido, fandun fa skain wepur, sikunem bukor sena, ḇaido sraper siḇrasna. Au ido moḇsa kwara rai?
ROSAI REFO IKOFEN NA
Allah imarisen ryower nadi ro snonkaku ’ḇekain’ ḇaido ’ḇeyores’ ḇaido snonkaku ’ḇekunem’ ḇaido ’ḇekain wepur’. (1 Tawarikh 17:16; 2 Tawarikh 30:27; Ezra 10:1; Farfyar 9:40) Inja, Allah dor ko fa koḇenadi kuker nyan oser monda ḇa.
ROSAI WER REFO FYARKOR NA?
Allah ryower nadi ro snonkaku ḇena sne ḇerun.—Mazmur 138:6.
Bisa fa ḇenadi ro wos rosai monda ḇaido ḇenadi kuker mkaren na ndrok ḇa kako.—2 Tawarikh 6:32, 33; Nehemia 2:1-6.
