Sismai Roi Ḇepyum Syadi
SNONGGAKU Kristen riyuta skinfir fa sifrur ras ḇeba Natal ḇa. Moḇsa sḇaḇir rai fyor sifrur snemuk ine? Sfafko snar sifrur wer ḇa roi ḇeyun marasrisen ro ras ḇeba ine ke? Romawa sya sḇaḇir sinan sya simewer sismai roi ḇepyum ke? Mampan rosai Saksi-Saksi Yahwe ro sup ḇeḇeso sfawar roi sḇaḇir na ḇekur roi ine.
Eve
Sbuki swarepen Yesus Kristus i: ”Yaḇe Saksi Yahwe ḇaime, ayama yamyaren ḇa fa yakra ḇe gereja, na yasun ḇe gereja fafisu ras ḇeba Natal ḇaido Paskah monda. Imbape ro swaf ḇeradirya kako yakara kaku Yesus Kristus i ḇa. Kirine, yafrur ras ḇeba Natal ya wer ḇa, ḇape yaso fananjur Kristen rarwan ri suru ro swaf minggu ri oser ma ḇesyadi yafarkor snonggaku ḇese fa smamḇir Yesus i ro Refo ya!”—EVE, AUSTRALIA.
Reuben
Simarisen snar sbuk: ”Yamarisen kaku fyor ono sbuk kanandor hadiah ḇe aya. Yamarisen kaku roi ḇeradirya! Aya kako yamarisen yafas kartu ma sonin fa yabuk ḇe snonggaku ḇesesya, kukro roi ḇeradirya bisa nafrur fa simarisen ma aya kako yamarisen.”—REUBEN, IRLANDIA UTARA.
Emily
Sisaramper ḇefandun fafnoḇek sya: ”Nggomarisen kaku nggokun roḇean fa nggun ḇe snonggaku ḇeduf sya. Ono ido, nggun pampen, kukis ḇaido hadiah kasun ḇe snonggaku ḇeduf ansi insama simarisen. Nggomarisen kaku nggofrur na ro taun anya ḇesiper.”—EMILY, AUSTRALIA.
Wendy
Siryur kuker kina sesya: ”Kina nggoḇesya nggomarisen nggoryur ker, inja roma nggoḇesi bisa smamḇirpyum imem, mebin, apus snon, apus bin, ma napirem sesi ma skain sfarfyare. Snar nggofrur ras ḇeba na ḇa, inja kenem nggoḇena nsamswen ḇa ma kina nggoḇesya sifawi nggora nggomamfar si kukro nggoswar si.”—WENDY, KEPULAUAN CAYMAN.
Sandra
Aski ma kananon: ”Ro fafisu ras ḇeba Natal ya, snonggaku ḇebor sya sifrur roi nabor kaku. Komam ido snonggaku ḇeḇeso monda ḇekara rariso insama sismai aski ma kananon. Fyor yafarkor asas ro Refo faro snonggaku sya, yasmai sneprei kaku. Kirine yafawi romawa yesya nari sismai aski ma kananon ro ras ḇarpon iyama.”—SANDRA, SPANYOL.