Rosai Refo Ikofen Na?
Allah iso ḇefnai fa koḇe kandera ke?
Rosai kankarem Bedi?
Imbo
Roba
Imbude ryariri
Rosai Refo ikofen na
”Pok ḇaḇeri fa Allah ḇenapes ifrur ḇarḇor, ma Ḇeḇepoik Syadi fa ifrur sasar!” (Ayub 34:10) Allah ima ipok ifrur roi ḇeḇarḇor ma kandera komam ro dunya inena.
Rosai wer Refo fyarkor na?
Setan roḇa Ibiris, ’ḇepoik supswan’ ine, iso ḇefnai kaku kandera ya.
—Yohanes 14:30. Kandera ma ḇaḇeḇarḇor naisya kako snar snonkaku sya mankunsi skinfir sasar nyan sena.
—Yakobus 1:14, 15.
Nari ḇaḇekandera ya ḇye nande ke?
Snonkaku ḇeḇeso sikyar snar snonkaku sya bisa fa sipyos kandera kuker roi sifrur nakam, ḇape ḇesesya sikyar ḇa snar dunya ine nari nefadwer ḇe fafisu ḇepyum kaku. Au ido moḇsa kwara rai?
Rosai Refo ikofen na
Nari Allah ipyos kandera ya. ”Marmarya isyaḇa kwar; sne ḇefafardun, kankanes, roḇa dafduf naisyaḇa kako.”
Rosai wer Refo fyarkor na?
Allah nari ḇyuk Yesus i fa ipyos Ibiris fararur ḇyena ḇefrur kandera ya.
—1 Yohanes 3:8. Snonkaku ḇefrur roi ḇenapes nari sikenem kuker aski isof fyoro-fyoro ro supswan.
—Mazmur 37:9-11, 29.
Wamarisen Ido Mam Ine Kako
ESSENTIAL BIBLE TEACHINGS
Rosai Ḇefnai fa Allah Myam Monda Koḇekandera Kaker?
Snonkaku ḇebor sya sifuken rosai ḇefnai fa dunya ine ifo kuker masasor ma kandera na. Refo byuk kankarem ḇekaku ma ḇeyun sneprei.
