Samuel isoasuser pdef ḇe Yahwe I ro ras kankenem ḇyedi ḇesiper. Rofyor ibaḇa mgun ya, imewer ifrur roi ḇeḇye ḇa raris Imam Eli roma ḇyesuya, Hofni ma Pinehas su. (1Sam 2:22-26) Fafisu Samuel iba muryas, Yahwe ryous i ḇesya kwar. (1Sam 3:19) Ma ro fafisu ḇye mansar kwar, roma ḇyesi sibur Yahwe I mboi Samuel ima ifarmyan pdef ḇe Yahwe I.​—1Sam 8:1-5.

Rosai kofarkor ro Samuel nyan ḇepyum ḇyenane? Roma babo disau ido, wakyar kaku Yahwe ifawi samswen Bena ma rosai ḇaḇir na. Syambraḇ fa ifnoḇek Au insama wamgak ḇa. (Yes 41:10, 13) Auma sinan disau mboi romawa Besi sfarmyan ḇe Yahwe I ḇa ido, na wasmai sneprei kaku rofyor wawasya Samuel fawar ḇyena. Idafdifer romawa ḇyesi ḇeba kwar sya fa sisouser Yahwe farkankin Ḇyena ḇa. Dor monda Yahwe I fa myam samswen ḇyena, isoasuser pdef, ma ifrur Yahwe imarisen. Wakso Samuel nyan ḇyena ido, imbude ras oso roi wafrur na nafnoḇek romawa Bansi fa skaḇer ḇe Yahwe I.

MAM VIDIO KOFARKOR RO SI—SAMUEL, RAIMNAI KWAREM FAKFUKEN-FAKFUKEN NANE:

• Rofyor Samuel ibaḇa mgun ya, moḇsa fyasnai ima imgak ḇa rai?

• Moḇsa Danny fyasnai ima imgak ḇa rai?

• Rofyor Samuel ḇye mansar kwar, nyan ḇepyum rosai fyasnai na?

• Nyan ḇepyum rosai Danny sinan ḇyesu suyakfasnai na?