Yahwe ima iswar Au kaku. (Yes 43:4) Dun Au fa wafanam yoḇ I ma organisasi Ḇyedi. Fafisu buk kenem Beja ḇe Yahwe ma ḇebaptis anya, ras anya ḇeri Yahwe iso ḇena Au ya. Nari ipok ryir Au ḇaḇeri ma nari myamwarek Au ḇesya kwar. Ḇefandun syadi wer ro fafisu Ausya rwo samswen ya, na byuk organisasi Ḇyedi fa isaramper Au.​—Mz 25:10.

Na kokofen kasumasa kaku faro Yahwe I kukro ifrur roi nane kwar! Ma kokarauser fafnoḇek organisasi byuk kwar faro naek srar ḇesmai roi ḇemun ro ras-ras ḇarpur ine ido, nari koḇesyowi kaku saswar ḇeba Ḇyenane.

MAM VIDIO KAFKOFENBADIR RO PANITIA KOORDINATOR 2019, RAIMNAI KWAREM FAKFUKEN-FAKFUKEN NANE:

• Moḇsa Panitia Koordinator sfasos pyum kantor cabang ro supswan ḇesiper fa sbuk fafnoḇek faro naek srar rofyor rim ḇeba myun moḇ sedi?

• Rariso Yahwe organisasi Ḇyedi byuk akurfasnai ma fafnoḇek faro naek srar ro sup Indonesia ma Nigeria?

• Rosai ḇefrur fa wamanen kaku nyan organisasi byuk akurfasnai ma fafnoḇek ro fafisu dafduf COVID-19 myun?