Insama ḇefarkor Refo sya sakḇebati kuker Yahwe I, fandun fa skinfir bati ḇepyum. (Mz 15:1, 4) Bati ḇepyum sya na sifnoḇek si fa sifrur roi ḇepyum.​—Ams 13:20; lff farkarkor 48.

Fafisu kofnoḇek ḇefarkor Refo sya fa spampum ḇaḇebati ḇepyum ḇa na, kosewar fa kofawi moḇ sḇaḇir raya. Imbude samswen fa sibur bati ḇekwar sesya. Inja ro ras-ras kofarkor Refo kuker si ḇa yo, kofasnai kofandun kaku si. Kofrur na kuker kofarem sms, koḇetelfon si, ḇaido kora komamfar si. Komam sifrur raris roi sfarkor kwar ro Refo ro kenem sena ido, kor si fa sakḇebati kuker naek srar ḇesesya. Rarirya, nari sifawi roi sismai na napyum syadi ro roi ḇebor kam sibur kwar na. (Mrk 10:29, 30) Manggunko na komarisen fafisu komam sakḇe naek srar koḇesi kako.

MAM VIDIO WASARAMPER ḆEFARKOR REFO KUKER AU FA SPAMPUM ḆAḆEBATI ḆEPYUM ḆA, RAIMNAI KWAREM FAKFUKEN-FAKFUKEN NANE:

• Ḇaḇebati ḇepyum ḇa ido rosairiri?​—1Kor 15:33

• Rosai Jasmine iwasenkara na rofyor Nita fyawar roi na sifrur kuker naek srar sya?

• Rosai Nita ifrur fa isaramper Jasmine i insama pyampum ḇaḇebati ḇepyum ḇa na?