KORYAḆ RO ḆAḆEBARYAS | KORYAḆ SYADI RO FARARMYAN KOḆENA
Wafarkor Ḇefarkor Refo Ḇesi fa San Pyum Roḇean Rur
Na komarisen insama ḇefarkor Refo kuker konsya sakḇebati kuker Yahwe ma saksur pyum ro rur ya. Inja, kofarkor kakaku ḇero Refo monda faro si nama nasrow ḇaime. (Mat 5:3; Ibr 5:12–6:2) Mboi, kofarkor si kako moḇsariso san pyum roḇean rur rai.
Randak kaku, fasnai ḇe ḇefarkor Refo kuker Au sya moḇsa sifrur fasasos fafisu sfarkor Refo ḇaim, ma wakofenḇair ḇe si moḇsa sifrur na rai. (mwb18.03 6) Wakofen ḇe si kako fa senadi fafisu imbe sfarkor Refo ya. Wafnoḇek si fa sifawi moḇsa koḇepake situs web ma aplikasi koḇena. Fasnai ḇe si nyan fa kosewar vidio JW Broadcasting® ḇebabo ro jw.org. Fawawas, farkor si fa siwasya Refo ras ḇe ras, sfasos farkarkor ḇero fananjur na, ma moḇsariso sisrow kankarem faro fakfuken sena. Wafnoḇek si fa skarauser rosai sfarkor kwar na.
MAM VIDIO WASARAMPER ḆEFARKOR REFO KUKER AU FA SAN PYUM ROḆEAN RUR. RAMNAI KWAREM FAKFUKEN-FAKFUKEN NANE:
-
Moḇsa Nita ifnoḇek Jasmin i fa ifawi snar syewar kankarem monda nama nasrow ḇaime?
-
Rosai ḇefnai fa Jasmin ikyar kaku snar Yahwe sasoser Ḇyedi fa sifrur farḇakḇuk famfnom awer ima nefainda kaku?
-
Wafnoḇek ḇefarkor Refo kuker Au ya fa ifawi roi fyarkor na ma ifrur naro kenem ḇyedi
Rosai Jasmin ifawi kaku rofyor kyarauser roi ifarkor na?
