KANKENEM KOḆENA ḆE SNONGGAKU KRISTEN
Snar Fafnoḇek ro Rur Ḇesren Fararur Ḇesamswen Nambran Pyum
Ro fyor iwara isof ro baboine, Allah kawasa Ḇyesi sifrur roi nabor ḇeba kaku snar fafnoḇek ro Yahwe I, ine faro samambraḇ manggun sena monda ḇa. Ro 1954, organisasi Yahwe sisasyar felem ḇeḇejudul The New World Society in Action (Kawasa Dunya Babo Sisya Sfararure). * Ḇebor ḇefrur felem ine sima snonggaku Betel ḇeyakna pengalaman ro farfur felem ine ḇa. Inja, bisa sifrur fararur ḇesamswen kaku ani fa ibro snar Yahwe rur ḇesren Ḇyedi iso ḇefnoḇek si. Inja farkarkor ḇyena iso? Kokyar kaku, na kofrur fararur rosai monda isof imnai fyor kokyar kaku faro Yahwe I.—Za 4:6.
MAM VIDIO FARFRUR FELEM ”KAWASA DUNYA BABO SISYA SFARARURE”. RAMNAI KWAREM FAKFUKEN-FAKFUKEN NANE:
-
Sifrur felem ḇekurfasnai kantor pusat snaro?
-
Moḇsa felem ani fyasnaiḇair snar Betel ima imnis ra ḇaken ro snonggaku?—1Kor 12:14-20
-
Fyor sifrur felem ine samswen rosai sismai na, ma moḇsa sifrur mnis na rai?
-
Ro farfyar anine, rosai kofarkor ro Yahwe rur ḇesren Ḇyedi?
^ syos 3 Felem ine nasya monda ro wos Inggris ro jw.org.
