Kawasa ḇebor soḇe suf aprop kada, na sifawi ḇeri sima snonggaku Kristen sirya. Fama, Saksi-Saksi Yahwe nggoma snonggaku Kristen nggoirya ḇesyabo ngguf aprop ro samsyom nggoḇena ḇa. Kukro?

 Roi oser ḇefnai ya iso nggomam ro Refo, Yesus ima imar ro aprop ḇa, mboi imar ro ai oser monda raris adir. Oso wer ido, Refo ya ikofen bos kaku faro snonggaku Kristen sya radine, ”Mgofrar mgobur ro samsyom amfyanir na.” Nggofawi wos ine ḇyeḇair nggopok ngguf awer aprop ya ro ari nggoḇena.​—1 Korintus 10:14, NW; 1 Yohanes 5:21.

 Manseren Yesus manggundi ikofen ḇo doḇe, ”Mko swar yae mko ido snonkakusya kam nari sifawi mboi manfamyan ayesi mko.” (Yohanes 13:34, 35) Inja nggokara roi Manseren Yesus ikofen nane, nggofawi kaku kakop ḇeḇair manseiso manfamyan ḇekaku ḇyesi ima aprop ḇaido amfyanir risya ḇa, mboi saswar sena ma sima simarisen simarwarek snonggaku ḇese.