Snonggaku ḇebaptis kwar ḇe Saksi Yahwe oso ḇape dakso ro ḇaḇebaryas wer ḇa, ḇaido ḇyebati wer ḇa kuker min Kristen ḇyesi, sima koḇinggwanbur si ḇa. Imbape, nggofanam yoḇ si ma nggosewar kaku fa nggofnoḇek si insama siryaḇ kaḇer fa sfarmyan ḇe Yahwe I.

 Nari nggosae ḇeri ḇa snonggaku ḇefrur sasar beba bur sidang ya. Imbape, fafisu Saksi Yahwe oso ḇebaptis kwar ifrur ker sasar ḇeyuk farkankin ḇero Refo ya ma imewer imbror ro sasar ḇyena ido, na sḇe i fa ḇyinggwanbur ḇaido sisae i bur sidang ya. Refo ikofenbos, ”Mkopampum snonkaku ḇeḇarḇorsya rofandu mko.”​—1 Korintus 5:13.

 Rariso rofyor snonswa oso sisae i bur sidang ya imboi swari ma romawa ḇyedi sḇe Saksi Yahwe kaker? Snon ani wis rohani ḇyena kuker kina ḇyesi nefararwei kwar, imbape sima kina oser kaker. Fasfesepen ro farḇakḇuk ma sawarwar ma kako fandun ras-ras sena nambran pdef.

 Snonggaku sisae si bur sidang bisa sakso fananjur nggoḇedi. Simarisen ido, bisa sismai wos ananun ro penatua ro sidang jemaat sya. Fandun ya iso insama snonggaku oser-oser sismai fafnoḇek fa sisyus kaḇer ḇe Saksi Yahwe wer. Nggomarisen fa nggosaser kaḇer snonggaku sisae si bur sidang mboi ḇembror kwar ma sifasnai simarisen sikenem imnis farkankin ro Refo ya.