Jisas i talem se Kingdom blong God nomo bambae i tekemaot olgeta problem blong man. (Matiu 6:10) Long Matiu 13:44-46, hem i yusum tu pijatok blong soem olsem wanem trutok blong Kingdom blong God i sas we i sas:

•   Wan man we i stap wok long wan pis graon, i faenem wan bigfala bokis mane we i haed.

•   Wan bisnesman we i stap go long ol narafala ples blong lukaotem ol gudgudfala perel, i faenem wan perel we i sas we i sas.

 Tufala man ya oli glad blong salemaot olgeta samting blong tufala blong pemaot gudgudfala samting we oli faenem. Ol man ya i representem olgeta we oli tinghae long trutok blong Kingdom, nao oli glad nomo blong mekem sam sakrefaes blong kasem ol blesing. (Luk 18:29, 30) Long video ya, yu save luk stori blong wan man mo wan woman we tufala i olsem ol man ya long pijatok blong Jisas.