Zarina i baptaes olsem wan Witnes blong Jehova long Rasia. Bian, hem i go bak long kaontri blong hem long Medel Esia from hem i wantem tumas blong tijim bilif blong hem long tufala gel blong hem. From we hem i no kat plante mane, hem i go stap tugeta wetem papa mo mama blong hem mo brata blong hem. Papa mo mama blong Zarina i no wantem we hem i tijim ol trutok blong Baebol long tufala gel blong hem. Tufala i talem long tufala gel blong hem tu blong no tokbaot Baebol wetem mama blong tufala.

 Zarina i tingting dip long ol rod we i save helpem tufala gel blong hem blong kasem save moa Jehova. (Proveb 1:8) Ale hem i prea wetem ful hat blong hem long Jehova, blong askem advaes mo waes blong hem. Zarina i wok folem ol prea blong hem taem hemi wokbaot wetem tufala mo tokbaot ol samting we God i mekem. Ol sotfala wokbaot ya, i halpem tufala gel blong stat gat intres long Man ya we i wokem olgeta samting.

 Wan narafala rod we Zarina i yusum blong tijim tufala emia book ya ?Wanem Samting we Baebol i Rili Tijim? a. Hem i raetemaot evri toktok blong paragraf mo ol kwestin blong buk ya i go long sam pepa. Mo hem i explenem long tufala wanem blong mekem. Afta hem i haedem ol pepa ya wetem wan pen aninit long masin blong was. Taem tufala i stap insaed long batrum, tufala i ridim ol paragraf mo raetem daon ol ansa long ol pepa ya.

 Tru long ol rod ya, Zarina i naf blong stadi long tu japta blong Baebol tij buk long tufala gel blong hem bifo we oli faenem wan niu ples blong laef long hem. Long ples ya, hem i fri moa blong tijim tufala gel blong hem from we i no gat fasin agens. Long Oktoba 2016, tufala gel blong hem i baptaes. Tufala i glad tumas se mama blong tufala i yusum fasin waes mo fasin luksave blong tijim tufala long ol trutok blong baebol.