Long ol kongregesen wanwan, i gat wan kampani blong ol elda we i stap lukaot long ol wok. Taem i gat bitim 20 kongregesen long wan eria, bambae i gat wan elda we i goraon long ol kongregesen ya blong visitim olgeta. Mifala i kolem elda ya se eria elda. Mo taem i gat 10 eria we brata i visitim, naoia ol eria ya oli kam wan distrik. Mifala i kolem elda ya we i goraon blong visitim ol kongregesen long distrik ya, se distrik elda.

 Hed Kampani i givim ol gudfala advaes blong Baebol mo ol save. Long Hed Kampani, i gat ol brata we oli Witnes longtaem finis, mo we oli stap wok long ofis blong ol Witnes blong Jehova long Brooklyn, New York.—Ol Wok 15:23-29; 1 Timoti 3:1-7.