Yes. Olgeta Witnes blong Jehova evriwan oli prij, wetem plante milian woman tu. Baebol i talem se “plante woman oli kam talemaot nius.”—Ol Sam 68:11.

 Ol woman we oli Witnes blong Jehova, oli folem eksampol blong sam women we Baebol i tokbaot. (Ol Proveb 31:10-31) Ol woman oli no mekem ol wok we i blong lidim kongregesen, be oli joen fulwan long wok blong talemaot gud nius long ol man. Mo tu, oli tijim ol pikinini blong olgeta long ol rul blong Baebol. (Ol Proveb 1:8) Long ol toktok mo fasin blong olgeta, ol woman ya oli traehad blong soemaot gudfala eksampol.—Taetas 2:3-5.