Mifala i luk se plante man we oli gat skul finis, oli glad blong storian long Baebol. Sipos bilif blong wan man i defren long bilif blong mifala, mifala i respektem samting ya, mo mifala i no fosem ol narafala blong oli lesin long mifala.

 Taem mifala i storian long ol man long saed blong skul, mifala i traem folem advaes blong Baebol blong “toktok gud” long olgeta mo mifala i respektem olgeta tu. (1 Pita 3:15, 16) Mifala i save se samfala bambae oli no wantem lesin long tok we mifala i talem. (Matiu 10:14) Be blong save tingting blong ol man, fastaem mifala i mas toktok wetem olgeta. Mifala i kasem save tu se laef blong ol man i stap jenis.

 Maet wan man i no gat taem blong toktok from we hem i bisi tumas, be long narafala taem bambae hem i glad blong storian wetem mifala. Mo ol man oli stap fesem sam niufala problem no sam samting long laef blong olgeta, ale samting ya i pulum olgeta blong oli lesin taem mifala i storian wetem olgeta. From samting ya, mifala i traem blong storian wetem ol man long ol defdefren taem.