Hemia i mekem namba seven yia we faktri blong ol Witnes blong Jehova blong printim ol buk long Meksiko, i kasem praes blong Clean Enterprise.

Long 26 Septemba 2012, gavman blong Meksiko i givim praes long ol Witnes blong Jehova “from we oli lukaot gud blong protektem envaeronmen.”

Program blong Clean Enterprise i halpem ol faktri blong mekem ol samting we i no spolem envaeronmen. Ol Witnes blong Jehova oli joen long program ya evri yia, nating se oganaesesen blong olgeta i no blong winim mane. Wan Witnes long faktri long Meksiko i talem se: “Blong kasem praes blong Clean Enterprise, mifala i mas soemaot pruf se ol wok blong mifala i folem loa long envaeronmen long seven samting: win, wota, ol doti, ol doti we i denja, sefti, lektrik, mo trening long envaeronmen. I no gat loa se ol faktri oli mas joen long program ya, be mifala i glad blong joen.”

Ol Witnes blong Jehova long fulwol oli mekem bes blong olgeta blong no spolem envaeronmen.