LONG taon ya Saponara long Sisili, ol Witnes blong Jehova oli kasem wan praes from wok we oli mekem blong givhan long ol man, long taem blong wan disasta we wota i ron olbaot mo kavremap plante ples.

Long 22 Novemba 2011, bigfala ren i foldaon mo wota i ron olbaot long sam taon mo vilej long provins blong Messina. Long sem naet ya, sofmad i kamdaon long hil mo i kavremap plante ples long Saponara, nao tu man mo wan pikinini i ded.

Long ol dei afta long disasta ya, ol Witnes blong Jehova oli mekem ol grup blong volontia, blong kliarem sofmad mo ol doti long ol ples we disasta i spolem.

Ol grup ya oli wok gud wetem ol haeman blong eria ya, mo oli givhan long ol ples we i nidim help. Oli gohed blong wok afta we faswan emejensi i finis. Samwe long 50 kasem 80 Witnes oli joen long wok ya, mo sam long olgeta oli mekem trip blong 97 kilometa blong givhan.

Plante man we disasta ya i spolem ples blong olgeta, oli talem tangkiu long ol Witnes. Mea blong taon ya i talem bakegen mo bakegen se: “!Yufala i rili soemaot gudfala eksampol!”

Faef manis biaen, wan haeman blong lokol kaonsel we nem blong hem Fabio Vinci, i givim wan praes long lokol kongregesen blong ol Witnes blong Jehova.