Botswana i wan kantri we i rij long ol daemon. Be long 22 kasem 28 Ogis 2016, ol Witnes blong Jehova oli displei long ol sas samting we oli defren, long wan festivol we oli kolem Botswana Consumer Fair. Oli displei long ol buk we oli tokbaot Baebol, jw.org websaet, mo ol video we oli givhan long famle blong oli joen gud.

Ol perens mo ol pikinini we oli visit long taem ya, oli glad blong luk katun ya Kam Fren Blong Jehova, we i pulum olgeta blong folem ol advaes blong Baebol. I no gat tumas video long lanwis ya Setswana, hemia men lanwis we ol man Botswana oli toktok long hem. From samting ya, plante oli wantem save olsem wanem blong kasem ol video ya.

Ol visita we oli kamaot long ol defdefren ples long kantri ya, oli tekem samwe long 10,000 buk, mo i gat 120 man we oli askem blong wan Witnes i go stadi Baebol wetem olgeta. Plante oli sapraes blong luk we ol Witnes long Inglis kongregesen, oli joengud wetem olgeta long Setswana kongregesen.

Taem maneja blong festivol ya i givimaot praes, hem i givim fas praes long ol Witnes blong Jehova.