Tua Blong Betel
Mifala i glad tumas sipos yu kam visitim ol branj ofis blong mifala, we mifala i kolem Betel. Long sam long ol ofis ya, i gat ol saen we yu save folem blong wokbaot yu wan mo lukluk ol samting.
Ol Tua Oli Stat Bakegen: Long plante kantri, mifala i stat bakegen blong mekem ol tua long ol branj ofis blong mifala long 1 Jun 2023. Blong save moa, plis kontaktem branj ofis we yu wantem visitim. Plis yu no kam long wan tua sipos yu gat COVID-19, ol saen blong flu, o sipos yu bin joen wetem wan man we hem i gat COVID-19.
Brasil
Ol Haelaet
Baebol Mo Man We i Raetem. Haelaet ya i givim bigfala ona long Man We i Raetem Baebol, Jehova God, mo i soemaot klia stamba tingting blong Baebol, hemia Kingdom blong God. Ol visita oli save luk olsem wanem Baebol i stap gud kasem taem blong yumi, mo olsem wanem Jehova i meksua se mesej blong Baebol i no jenis, nating se i gat plante man i agensem.
Haelaet Blong Histri Blong Brasil. Haelaet ya i soemaot olsem wanem Jehova i blesem wok blong talemaot Kingdom long Brasil, long ol 120 yia we i pas. Ol visita oli save luk ol risej we oli jes mekem long histri blong wok long Brasil, mo ol niu save long saed blong stat blong wok ya mo olsem wanem i gohed, nating se i gat fasin agens mo plante man oli ronem mo kilim ol Witnes.
Adres Mo Fon Namba