Tua Blong Betel
Mifala i glad tumas sipos yu kam visitim ol branj ofis blong mifala, we mifala i kolem Betel. Long sam long ol ofis ya, i gat ol saen we yu save folem blong wokbaot yu wan mo lukluk ol samting.
Ol Tua Oli Stat Bakegen: Long plante kantri, mifala i stat bakegen blong mekem ol tua long ol branj ofis blong mifala long 1 Jun 2023. Blong save moa, plis kontaktem branj ofis we yu wantem visitim. Plis yu no kam long wan tua sipos yu gat COVID-19, ol saen blong flu, o sipos yu bin joen wetem wan man we hem i gat COVID-19.
Yunaeted Stet
Infomesen Blong Ol Tua
Ol Samting We Yu Save Luk
Ol Musium Long Warwick We Yu Save Visitim Yu Wan
Baebol Mo Nem Blong God. Musium ya i soem sam Baebol we yu neva luk bifo, mo i soem tu olsem wanem nem blong God i gohed blong stap gud nating se plante oli traehad blong tekemaot. I gat wan eria we oli stap putum ol defdefren Baebol we plante man oli neva luk bifo, mo plante narafala samting we oli joen wetem Baebol.
Ol Man We Oli Karem Nem Blong Jehova. Musium ya i soem histri blong ol Witnes blong Jehova. I gat ol olfala pija, ol samting we ol man oli yusum bifo, mo ol ekspiriens we i soemaot olsem wanem Jehova i lidim, tijim, mo i givhan long ol man blong hem blong oli mekem wok blong hem.
Wol Hedkwota—Bilif We i Wok. Musium ya i tokbaot wok we ol komiti blong Hed Kampani oli mekem, mo i eksplenem olsem wanem oli givhan long ol Witnes Blong Jehova blong folem advaes blong Baebol blong joen wanples, mekem disaepol, kasem ol samting we oli nidim blong mekem bilif blong olgeta i strong, mo lavlavem olgeta.
Ol Musium Long Patterson We Yu Save Visitim Yu Wan
Wan Vilej Long Faswan Handred Yia. ?Samtaem yu stap tingbaot se laef i olsem wanem long taem we Jisas i stap long wol? Long vilej ya, bambae yu save luk ol samting we ol man long faswan handred yia oli stap mekem evri dei, mo yu save joen blong mekem sam long ol samting ya tu. Musium ya bambae i givhan long yu blong pijarem ol samting taem yu ridim Baebol.
Displei Blong Ol Koin Blong Faswan Handred Yia. Displei ya i soemaot sam koin we ol man oli bin yusum long faswan handred yia, we Kristin Grik Haf Blong Baebol i tokbaot. Displei ya i givim sam save long saed blong ol wanwan koin ya mo olsem wanem oli joen wetem ol stori long Baebol.
“Jehova Bambae i Tijim Ol Boe Blong Yu.” Musium ya i soemaot histri blong ol skul mo trening we oganaesesen i givim. Luk olsem wanem ol skul ya oli givhan long ol man blong kam ol gudfala tija mo ol elda long kongregesen.
“Yusum Loa Blong Soemaot Raet Blong Yumi Blong Talemaot Gud Nius.” Musium ya i soemaot nambawan stori blong ol Witnes blong Jehova we oli holemstrong long bilif blong olgeta, nating se plante man oli agensem olgeta. Faenemaot olsem wanem oganaesesen i yusum ol loa blong soemaot raet we yumi gat blong mekem wok blong prij raon long wol.
Adres Mo Fon Namba
Maet Yu Laekem Hemia Tu
BETEL
Mifala i Invaetem Yu Blong Visitim Betel Blong Yunaeted Stet
Yu save visitim Wol Hedkwota Blong Ol Witnes Blong Jehova mo branj ofis blong Yunaeted Stet.