Aesea 61:1-11
61 Spirit blong Hae Masta Jehova i stap long mi,+From we Jehova i makemaot mi blong mi talemaot gud nius long ol man we oli gat tingting daon.+
Hem i sanem mi blong mi fasem soa long hat blong olgeta we oli stap harem nogud,Mo blong mi talemaot long olgeta we oli kalabus se bambae oli go fri,Mo blong mekem ae blong ol prisena i open bigwan,+
2 Mo blong talemaot yia we Jehova bambae i soemaot gladhat blong hem,*Mo dei blong God blong yumi blong givimbak,+Mo blong mekem olgeta we oli stap harem nogud, oli harem gud.+
3 Mo blong givim samting long olgeta we oli stap krae from Saeon,Yes, blong givim wan kaliko blong hed long olgeta, be i no moa asis,Mo oel blong mekem olgeta oli glad, be i no blong stap harem nogud,Mo kaliko blong oli presem God, be i no blong tingting blong olgeta i foldaon.
Mo bambae oli singaot olgeta se ol bigfala tri blong stret fasin,Hemia ol samting we Jehova i planem blong leftemap hem.*+
4 Bambae oli bildim bakegen ol samting blong bifo we oli brobrok i stap,Bambae oli stanemap ol ples ya we bifo finis ol man oli lego i stap emti nomo,+Mo bambae oli wokem bakegen ol taon ya we ol man oli brebrekemdaon olgeta,+Hemia ol ples ya we oli stap emti nomo longtaem finis i kam.+
5 “Ol strenja bambae oli stanap mo oli lukaot long ol sipsip blong yufala,Mo ol man blong narafala kantri+ bambae oli kam ol fama blong yufala, mo ol man blong mekem waen blong yufala.+
6 Be yufala, bambae ol man oli singaot yufala se ol pris blong Jehova,+Bambae oli singaot yufala se ol minista blong God blong yumi.
Bambae yufala i kakae ol gudgudfala samting blong ol nesen,+Mo bambae yufala i tok flas from glori* blong olgeta.
7 Bambae yufala i no moa sem, be bambae yufala i kasem samting dabol,Bambae ol man oli no moa mekem yufala i sem, be bambae yufala i glad we yufala i singaot from samting we yufala i kasem.
Yes, ol samting we bambae oli kasem long graon blong olgeta i dabol.+
Glad bambae i blong olgeta olwe.+
8 From mi, Jehova, mi laekem jastis,+Mi no laekem nating fasin blong stil mo fasin we i no stret.+
Bambae mi mekem i stret, mi givim pei long olgeta,Mo bambae mi mekem wan kontrak wetem olgeta olwe.+
9 Ol nesen bambae oli save pikinini* blong olgeta,+Mo ol man bambae oli save ol laen blong olgeta.
Evri man we oli luk olgeta, bambae oli luksave olgeta,Se olgeta nao oli pikinini* we Jehova i bin blesem olgeta.”+
10 Bambae mi leftemap Jehova i go antap.
Ful bodi* blong mi bambae i glad from God blong mi.+
From we hem i mekem mi mi werem ol klos blong sevem man,+Hem i kavremap mi long longfala klos* blong stret fasin,Olsem wan man we i rere blong mared, i werem wan hat olsem blong ol pris,+Mo olsem wan woman we i rere blong mared, i flasem hem wetem ol jen blong hem.
11 Olsem wol i mekem ol samting oli gruMo olsem we garen i mekem ol samting we oli saksakem long hem oli gru,Long sem fasin, bambae Hae Masta JehovaI mekem stret fasin+ mo fasin we ol man oli stap presem hem, i kam plante+ long fored blong olgeta nesen.
Ol futnot
^ NT: “i mekem i gud long ol man.”
^ NT: “blong mekem hem i naes moa.”
^ NT: “rij samting.”
^ PT: “sid.”
^ PT: “sid.”
^ NT: “Sol.”
^ NT: “longfala kot we i no gat han, i.”
