Jeremaea 16:1-21
16 Tok blong Jehova i kamtru bakegen long mi, se:
2 “Yu no mas gat wan waef blong yu, mo yu no mas gat ol boe mo ol gel long ples ya.
3 From hemia samting we Jehova i talem blong tokbaot ol boe mo ol gel we oli bon long ples ya, mo blong tokbaot ol mama blong olgeta we oli bonem olgeta, mo blong tokbaot ol papa blong olgeta we oli mekem se oli bon long ples ya, i se:
4 ‘Bambae oli ded from ol rabis sik,+ be bambae i no gat man i krae from olgeta no i berem olgeta, bambae oli stap olbaot long graon olsem sitsit blong animol.+ Bambae oli ded long naef blong faet, mo long hadtaem blong kasem kakae,+ mo ol dedbodi blong olgeta bambae oli kam kakae blong ol pijin blong heven mo ol wael animol long wol.’
5 From hemia samting we Jehova i talem i se:‘Yu no mas go insaed long haos we oli stap mekem kakae blong ol man blong krae from dedman,Yu no mas go krae no yu go serem sore.’+Mo Jehova i talem se: ‘Hemia from we mi tekemaot pis blong mi long ol man ya finis,Mo tu fasin blong mi blong lavem man oltaem mo sore.+
6 Ol haeman wetem ol man nating, bambae oli ded long kantri ya.
Bambae ol man oli no berem olgeta,No oli krae from olgeta,Mo bambae i no gat wan man i katkatem hem wan from olgeta, no i sevem hea blong hem i bolhed from olgeta.*
7 Mo bambae i no gat wan man i givim kakae long olgeta we oli stap kraeFrom man we i ded, blong mekem oli harem gud,Mo bambae i no gat wan man i givim long olgeta, kap ya blong mekem man i harem gud bakegenBlong oli dring long hem from papa no mama blong olgeta we i lus.
8 Yu no mas go insaed long haos we i gat lafet long hemBlong sidaon wetem olgeta blong kakae mo dring.’
9 “From hemia samting we Jehova komanda blong ol ami, we i God blong Isrel i talem, i se: ‘Stret long ples ya, long ol dei blong yufala mo stret long fes blong yufala, bambae mi finisim noes blong ol man we oli stap harem gud mo oli stap glad, hemia voes blong man we i rere blong mared mo voes blong woman we i rere blong mared.’+
10 “Taem yu talem ol tok ya long ol man ya, bambae oli askem long yu se: ‘?From wanem Jehova i talemaot ol bigfala trabol ya agensem mifala? ?Mifala i mekem wanem mastik mo wanem sin agensem Jehova God blong mifala?’+
11 Yu mas ansa long olgeta se, ‘Jehova i talem se: “From we ol olfala blong yufala oli lego mi,+ mo oli gohed blong folem ol narafala god mo oli stap wok blong olgeta mo oli stap bodaon long olgeta.+ Be mi oli lego mi, mo oli no kipim ol loa blong mi.+
12 Mo yufala i mekem ol fasin we i mowas long ol olfala blong yufala,+ mo wanwan long yufala i stap mekem stronghed i stap folem hat blong hem we i rabis, i bitim we hem i obei long mi.+
13 Taswe bambae mi sakemaot yufala long kantri ya i go long wan narafala kantri we yufala mo ol olfala blong yufala i no save nating,+ mo long kantri ya bambae yufala i stap wok blong ol narafala god long dei mo long naet,+ from we mi bambae mi no kaen long yufala.”’
14 “Mo Jehova i talem se: ‘Be i gat ol dei i stap kam we bambae oli no moa talem se: “!Long nem blong Jehova we i laef i stap, we i bin tekemaot ol man Isrel long kantri ya Ijip!”+
15 be bambae oli talem se: “!Long nem blong Jehova we i laef i stap, we i tekemaot ol man Isrel long kantri ya long not mo long olgeta kantri ya we hem i bin mekem se oli go stap wanwan long olgeta!” mo bambae mi tekembak olgeta i gobak long kantri blong olgeta we mi bin givim long ol olfala blong olgeta.’+
16 Mo Jehova i talem se: ‘Naoia bambae mi sanem toktok from plante man blong pulum fis blong oli kam,Mo bambae oli go pulum olgeta.
Biaen bambae mi sanem toktok from plante man blong hanting blong oli kam,Mo bambae oli go lukaot olgeta long evri bigfala hil mo evri smol hil blong holem olgetaMo long ol hol blong ston long klif.
17 From ae blong mi i luk evri samting we oli stap mekem.*Oli no haed long fes blong mi,Mo ol mastik blong olgeta tu oli no haed long fes blong mi.
18 Fastaem, bambae mi givimbak stret pei from ol mastik mo ol sin blong olgeta,+From oli mekem kantri blong mi i kam doti long ol samting we oli no gat laef,* hemia ol aedol blong olgeta we oli nogud we oli nogudMo oli mekem ol samting we oli blong mi, oli fulap long ol samting blong olgeta we mi no laekem nating.’”+
19 O Jehova, yu yu paoa blong mi mo yu strong ples blong haed blong mi,Ples blong mi blong ronwe i go long hem long dei blong harem nogud,+Olgeta nesen long ol laswan ples long wol bambae oli mas kam long yu,Mo bambae oli talem se: “Ol olfala blong mifala oli kasem ol giaman tok nomo,Oli nating nomo mo oli no save mekem samting blong givhan long man.”+
20 ?Man i save mekem ol god blong hem wanNating se ol god ya oli no tru?+
21 “Taswe bambae mi mekem olgeta oli save,Naoia bambae mi mekem olgeta oli save paoa blong mi mo oli save se mi strong,Mo bambae oli mas save se nem blong mi Jehova.”
Ol futnot
^ Hemia wan kastom blong ol hiten nesen, blong soem sore from dedman, mo i luk olsem se ol man Isrel we oli mekem apostasi, oli stap folem.
^ PT: “luk evri rod blong olgeta.”
^ PT: “long ol dedbodi.”
