Job 16:1-22
16 Job i ansa i se:
2 “Mi mi bin harem ol samting olsem bifo.
!Yufala evriwan i man blong mekem man i harem nogud nomo!+
3 ?I gat en blong ol tok we oli emti nomo?*
?Wanem i pulum yufala blong ansa olsem?
4 Mi tu mi save toktok olsem yufala.
Sipos yufala i stap long ples blong mi,*Mi save talem ol tok agensem yufala blong pulum tingting blong yufalaMo mi save saksakem hed blong mi long yufala.+
5 Be bambae mi mekem i defren, bambae mi mekem yufala i strong, long ol tok we i kamaot long maot blong mi,Mo ol gudfala toktok we mi talem i save mekem yufala i harem gud.+
6 Sipos mi toktok, hemia i no tekemaot sobodi blong mi,+Mo sipos mi stop blong toktok, ?hemia i mekem sobodi blong mi i godaon olsem wanem?
7 Be naoia hem i mekem mi mi taed gud,+Hem i flatemgud ol famle blong mi.*
8 Mo tu yu holemtaet mi, mo hemia i kam wan witnes blong mi,Mekem se bodi blong mi we i bunbun olgeta i stanap long fored blong mi, i stap talemaot ol poen agensem mi.
9 Kros blong hem i terterem mi long smosmol pis, mo i stap holem kros agensem mi.+
Hem i stap kakae tut blong hem agensem mi.
Enemi blong mi i stap sperem mi wetem ae blong hem.+
10 Oli openem maot blong olgeta bigwan agensem mi,+Mo oli stap slavem fes blong mi blong jikim mi.Oli plante we plante mo oli kam hivap wanples blong agensem mi.+
11 God i putum mi long han blong ol yang boe,Mo hem i sakem mi i go long han blong ol man nogud.+
12 Bifo mi mi no wari nating, be hem i spolem gud mi.+Hem i holem mi biaen long nek mo i smasem mi.Biaen hem i putum mi olsem wan mak blong hem i sutum.
13 Ol man blong hem blong sut long bonara, oli raonem gud mi.+Hem i sperem ol kidni blong mi+ mo i no gat sore nating.Hem i kafsaedem konkon wota blong bodi blong mi long graon.
14 Mi olsem wan wol we hem i stap brekemdaon bakegen mo bakegen.Hem i olsem wan strong man blong faet we i stap spid i kam from mi.
15 Mi mi somap ol bag wanples blong kavremap skin blong mi,+Mo mi berem haenem* blong mi long das.+
16 Fes blong mi i red from we mi stap krae,+Mo skin blong ae blong mi i kam blak,*
17 Nating se ol han blong mi oli no givim kil long narafalaMo prea blong mi i klin gud.
18 !O graon, yu no kavremap blad blong mi!+
!Mo yu no letem krae blong mi i faenem wan ples blong spel!
19 Naoia witnes blong mi i stap long heven.Man we i save toktok long bihaf blong mi i stap antap.
20 Ol fren blong mi oli stap laf long mi+Taem ae blong mi i stap krae i go long God.*+
21 I gud wan man i mekem desisen bitwin wan man mo God,Olsem we wan man i save mekem bitwin wan man mo fren blong hem.+
22 From ol yia we oli stap yet oli no plante,Mo bambae mi gowe, mi folem wan rod we bambae mi no save kambak bakegen.+
Ol futnot
^ NT: “tok we oli no klia nating.”
^ NT: “Sipos sol blong yufala i tekem ples blong sol blong mi.”
^ NT: “olgeta we oli stap wetem mi.”
^ NT: “paoa.” PT: “hon.”
^ NT: “sado blong ded.”
^ MNT: “Taem mi stap lukluk i go long God we mi no save slip nating.”
