Job 18:1-21
18 Nao Bildad+ we i man Suaha, i ansa se:
2 “?Bambae yufala i stap toktok olsem kasem wetaem?
Yufala* i traem soemaot se yufala i kasemsave samting, nao biaen yumi save toktok.
3 ?From wanem yufala i luk mifala olsem ol animol+Mo long fes blong yufala, yufala i tingbaot mifala olsem ol stupid?*
4 Sipos yu kros nao yu terterem yu wan* long smosmol pis,?Yu ting se samting ya bambae i mekem se wol ya i stap nating nomo,No bambae bigfala ston i muvaot long ples blong hem?
5 Yes, laet blong rabis man bambae i ded,Mo laet blong faea blong hem bambae i no saen.+
6 Laet long tent blong hem, bambae i mas kam dak,Mo lamp we i laet antap long hem, bambae i ded.
7 Ol longlongfala step we hem i mekem taem i wokbaot oli kam sot,Mo ol advaes blong hem nomo bambae oli mekem hem i foldaon,+
8 From we leg blong hem bambae i lidim hem i go insaed long wan net,Mo bambae hem i go olbaot gogo i wokbaot antap long ol rop blong net ya.
9 Wan trap bambae i holemtaet leg blong hem.Wan trap bambae i kasem hem.+
10 Oli haedem wan rop long graon blong kasem hem,Mo wan trap i foldaon i stap long rod blong hem.
11 Ol samting blong fraet oli raonem gud hem, oli mekem hem i fraet bitim mak+Mo oli ronem hem we oli stap klosap nomo long leg blong hem.
12 Paoa blong hem i finis,Mo disasta+ bambae i mekem hem i wokbaot i stap lelei olbaot.*
13 Ol soa oli kakae skin blong hem.Wan sik we i rabis we i rabis,* i kakae tufala leg mo han blong hem.
14 Oli pulumaot hem long tent blong hem we i stap blokemgud hem+Mo oli maj i go long king blong ol samting blong fraet.*
15 Bambae ol strenja oli* stap long tent blong hem.Bambae salfa i folfoldaon olbaot long haos blong hem.+
16 Olsem wan tri, ol rus blong hem aninit bambae oli drae,Mo ol branj blong hem antap bambae oli drae.
17 Ol man long wol bambae oli no moa tingbaot hem,Mo long bigrod, ol man bambae oli no save nem blong hem.*
18 Bambae oli fosem hem i aot long laet i go long tudakMo oli ronemaot hem long gudfala graon.
19 Bambae hem i no gat pikinini mo ol laen long medel blong ol man ples blong hem,Mo bambae hem i stap we i no gat wan man bakegen long ples we hem i laef long hem.*
20 Taem dei blong hem i kam, ol man long Wes bambae oli sek nogudMo ol man long Is bambae oli fraet bitim mak.
21 Hemia nao samting we i stap hapen long ol tent blong wan rabis manMo long ples blong man we i no save God.”
Ol futnot
^ Maet hem i stap minim Job mo olgeta we oli olsem hem, no olgeta we oli stap harem nogud wetem hem.
^ MNT: “olsem se mifala i no klin.”
^ NT: “terterem sol blong yu.”
^ NT: “i wokbaot nogud.”
^ PT: “Fasbon blong ded.”
^ Hemia wan fasin blong ded we i nogud we i nogud.
^ PT: “samting we i no blong hem i.”
^ PT: “bambae hem i no gat nem.”
^ NT: “long ples ya we hem i stap smoltaem nomo long hem.”
